VOV.Xơ Đăng - Kăn xiâm pơkuâ hnê ngăn Đảng pơkâ thế Quảng Ninh tơmâng pêi kơtăng tơdroăng tơbleăng tối dêi hneăng hôp kân 14 dêi Đảng, tơbleăng pêi tơdâng mâu tơdroăng vâ pêi tơdroăng ki kal, mơjiâng tơdroăng pêi pro nhên hleăng, pêi ai pơxúa, ‘nâi nhên troăng pro tro ‘ló dêi mơngế pêi, tơdroăng pêi pro, xiâm liăn pêi ƀă xiâm tơdroăng pêi pro.

VOV.Xơ Đăng - Kong an Lâm Đồng ƀă Dak Lak nếo rup kroăng pơtân hên ngế tơdjâk troh tơdroăng tê, chơ mâu trếo pơtôu, mlŏi hmâng vâ.

VOV.Xơ Đăng - Tung rôh pêi cheăng a Quảng Ninh, kơxo hâi lơ 27/1, drêng hbrâ vâ tơdah Têt Lo hơnăm nếo Bính Ngọ 2026, pôa Tô Lâm - Kăn xiâm pơkuâ hnê ngăn Đảng hiăng vêh lăm pôu ƀă hlối pơkuâ rôh trâm mâ rơkâu Têt ăm kŏng nhân pêi cheăng pro kơchâ.

VOV.Xơ Đăng - Kơxo hâi lơ 27/1, a Tíu pêi cheăng Kăn xiâm hnê ngăn tơnêi têa, pôa Lương Cường, Kăn xiâm hnê ngăn tơnêi têa pêi cheăng ƀă Ƀơrô cheăng Kăn xiâm hnê ngăn tơnêi têa ‘na tơbleăng pêi mâu hnoăng cheăng tơkŭm po Têt Lo hơnăm nếo Bính Ngọ 2026.

VOV.Xơ Đăng - Kăn xiâm hnê ngăn Kuô̆k hô̆i tối, tung la ngiâ Kuô̆k hô̆i kô pơtối hơ’lêh nếo tơrŭm cheăng, pêi cheăng, rơkê khât ƀă pêi cheăng tiô túa nếo nôkô vâ rế lĕm tro tâ nếo tung rơxông pêi cheăng tiô chal nếo dêi tơnêi têa.

VOV.Xơ Đăng - A Tíu tơbâ ton nah tơnêi têa malối a Hngêi kroăng phak  Ƀuôn Ma Thuột, kong pơlê Dak Lak po leh krip tơkŭm po leh Tơbâ kơ mâu lêng kăch măng hdrối nah tro rup kroăng tung hngêi phak hlối hlâ akố.

VOV.Xơ Đăng - Mâu hâi achê Têt Lo hơnăm nếo Bính Ngọ 2026, pơlê pêt reăng mai An Nhơn Bắc, kong pơlê Gia Lai (hdrối nah cho pơlê kong krâm An Nhơn, kong pơlê Bình Định ton nah) - môi tung mâu kơpong ki pêt reăng mai kân má môi dêi kơpong Tơdế Tơnêi têa nôkố hiăng hơniâp ro mot tung rơnó vâ chê tơpo reăng. Klêi kơ’nâi trâm tơdroăng tơ’nhê kế tơmeăm xua kong mêi kân, têa lân lu a hơnăm 2025 nah, mê nốkố, kơdrum reăng mai a tíu kố hiăng xông chiâng dâi lĕm nếo, tơdjâ troh tơdroăng ki pói tơngah môi rơnó Hơngui tŭm têk ăm mơngế ki pêt reăng mai.

VOV.Xơ Đăng - Hâi lơ 26/1, a Tíu pêi cheăng Kăn xiâm hnê ngăn tơnêi têa, pôa Lương Cường, Kăn xiâm hnê ngăn tơnêi têa hiăng tơpui tơno ƀă pôa Thongloun Sisoulith, kăn xiâm pơkuâ ngăn Đảng, Kăn xiâm hnê ngăn kong têa Lếo.

VOV.Xơ Đăng - Kơ’nâi Hneăng hôp mâu kăn teăng mâ lâp tơnêi têa rôh má 14 dêi Đảng hiăng klêi tơniăn lĕm, kơxê hâi lơ 26/1, pôa Trần Thanh Mẫn - Kăn xiâm hnê ngăn Kuô̆k hô̆i hiăng pơkuâ hneăng hôp tối tơbleăng rĕng tơdroăng dêi hneăng hôp mâu kăn tung lâp tơnêi têa  rôh má 14 dêi Đảng.

VOV.Xơ Đăng - Kơxê hâi lơ 26/1, pêi cheăng ƀă Khu xiâm pơkuâ ngăn lêng tơkăng kong dêi kong pơlê Dak Lak, Thươ̆ng tươ̆ng Đỗ Xuân Tụng, Phŏ pơkuâ Khu xiâm cheăng Kal kí mâu lêng kuăn pơlê Việt Nam, ngế pơkuâ djâ khu kăn dêi Lêng hiăng pơkâ thế Khu xiâm pơkuâ ngăn lêng tơkăng kong dêi kong pơlê Dak Lak hnê pêi kơtăng, rĕng tơbleăng tơdroăng Pơkâ hneăng hôp 14 dêi Đảng xua pêi hlối.