Troăng kân ai ki xŏn tiô tối hdrối lối 28,5 km, prôk tơkâ luâ mâu cheăm Čuôr Dăng, Quảng Phú, Ea Ñuôl ƀă mâu bêng Tân An, Ƀuôn Ma Thuột. Tíu apoăng tơkoh troăng kân tơnêi têa 14, ối tung cheăm Čuôr Dăng; tíu mơ'nui tơkoh troăng kân kong pơlê 1, ối tung cheăm Ea Ñuôl. Tơdroăng tơkêa bro ối tung khu B, xúa kơxô̆ liăn ngân Tơnêi têa 1.080 rơtal liăn ƀă liăn ngân kong pơlê 720 rơtal liăn.

Tiô tơdroăng ki mơjiâng pro, troăng kân kố chiâng kơtâu têi 80 km/chôu, trêi troăng kân rơdâ 12 met, rơtế ƀă kông, hno mơ’no têa ƀă mâu tơmeăm ki rak tơniăn troăng prôk. Hâi khế mơjiâng pro troăng kân sap hơnăm 2026 troh hơnăm 2029. Drêng hiăng klêi, troăng kân kơxô̆ 2 kô tơdjêp kơpong peăng mâ hâi Lu, pa peăng mâ hâi Lu pa kơnhŏng Ƀuôn Ma Thuột ƀă troăng kân Khánh Hòa – Ƀuôn Ma Thuột ƀă mâu troăng prôk ki kal; veăng kum kơdroh ki pá 'na troăng prôk kơpong tíu xiâm, po rơdâ tíu kơdrâm kuăn pơlê rêh ối tê mơdró, tơ'mot 'no liăn cheăng ƀă mơdêk mơnhông cheăng kâ – rêh ối pơlê pơla dêi kong pơlê.