Pơxiâm pro hâi lơ 19/8/2025, klêi kơ'nâi lối môi hơnăm tơbleăng, tơdroăng tơkêa bro hiăng pro klêi, veăng mơdêk ivá xúa dêi tơraih tơƀai, tơxâng pơkâ tơdah mâu túa tơƀai kơneăng chal nếo, mơdêk tơdjêp Gia Lai ƀă mâu tíu xiâm cheăng kâ, ôm hyô tung tơnêi têa ƀă kong têa ê.

Troh veăng ƀă xông tơpui a roh leh, pôa Hồ Quốc Dũng, Ngế pro xiâm phŏ hnê ngăn tơnêi têa khĕn kơdeăn tơdroăng mơ-eăm dêi kong pơlê ƀă mâu tíu pêi cheăng ki tơdjâk troh; tơdrêng amê tối nhên, Tơraih tơƀai Phù Cát rơtế ƀă tơraih tơƀai Pleiku cho tơmeăm khoăng ki kal vâ tơ'mot 'no liăn cheăng, mơdêk mơnhông cheăng kâ, ôm hyô kơpong Tây Nguyên.

Phŏ ngế pro xiâm hnê ngăn tơnêi têa pơkâ thế kong pơlê Gia Lai tơrŭm mâu khu xiâm, kơvâ cheăng rak tơniăn tơraih tơƀai pêi cheăng tơniăn, tơdâng tơ'mô; hbrâ po rơdâ mâu troăng kơneăng, xúa châ tơƀrê ki pơxúa tơdjêp têa kơxĭ, kong ƀă kơpong kong ngo.