VOV.Xơ Đăng - Ing mâu kông, troăng kân châ mơjiâng ƀă tơdroăng veăng gum dêi kuăn pơlê troh mâu tơmeăm dế pêi pro rĕng tơdroăng mơjiâng pro, hên a Lâm Đồng dế mơnhông ivá môi tuăn vâ kêi đeăng kông, troăng kân. Tơdroăng tơdjuôm ivá dêi kuăn pơlê, rơtế tơdroăng mơ-eăm dêi khu râ kăn pơkuâ ƀă khu ki tơdah xo mơjiâng pro dế gum tah lôi pá puât ‘na tơnêi tơníu, djâ mâu tơmeăm rĕng xúa tung tơdroăng rêh ối, mơdêk pêi pro ƀă mơ’no liăn cheăng tơnêi têa.

VOV.Xơ Đăng - lơ 26/10, a Hà Nội, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkuâ po Rôh hôp rôh má môi dêi Khu hnê mơhno Tơnêi têa 'na tơpui kâ ƀă kong têa ê ƀă tơrŭm cheăng lâp plâi tơnêi.

VOV.Xơ Đăng - A cheăm tíu tơkăng kong Ia Rvê, Khu pơkuâ ngăn Mố đô̆i gak tơkăng kong dêi kong pơlê Dak Lak pêi cheăng ƀă khu râ ủi, mâu kăn cheăm tơdroăng tơbleăng tơdroăng tơkêa bro pơkâ hdró, mơhno tíu, tơniăn ăm kuăn pơlê lăm ối pro pơlê nếo rơtế ƀă mơnhông cheăng kâ - pơlê pơla, mơdêk cheăng lêng, gâk kring ƀă tơpui kâ a kơpong tíu tơkăng kong tơnêi têa Việt Nam – Kul klêi kơ'nâi  mơhno xoăng tơnêi tíu tơkăng kong, tâp tâp tơneăn hdró.

VOV.Xơ Đăng - Jâ Bùi Thị Kim Chuyên, 68 hơnăm, a thôn Long Hòa, cheăm Tuy An Bắc, kong pơlê Dak Lak nếo tối tơbleăng tơdroăng gum khu lêng ki tăng rôu, tơkŭm 2 to kơxêng kiâ mố đô̆i hlâ tung rôh tơplâ.

VOV.Xơ Đăng -  Pơtối tơdroăng Hneăng hôp má 2, Kuô̆k hô̆i hneăng má 16, kơxo lơ 26/10, Kuô̆k hô̆i tơpui tơno a tôh ‘na mâu tơdroăng tơkêa bro luât tơdjâk troh pơkuâ pháu hnêa, tơmeăm ki pơtôu, hbrâ mơdât chếo, tơpâ on chếo, tŏng gum mơngế hliăng tiâ ƀă rak vế tơmeăm ki kal ‘na gâk kring tơnêi têa.

VOV.Xơ Đăng - Pôa Lê Minh Hưng, Ngế pro xiâm hnê ngăn tơnêi têa prế pôa Donald Tusk, Ngế pro xiâm hnê ngăn kong têa Ba Lan hiăng pơkuâ po rôh hôp tơbleăng tơdjuôm, păng ‘nâng tơbleăng mơdêk tơrŭm cheăng péa tơnêi têa tâk troh tơrŭm cheăng tung la ngiâ.

VOV.Xơ Đăng - Prếo troh a kơno tuk Vũng Rô, kong pơlê Dak Lak, mâu ngế lêng tuk Không Số hơnăm mê nah xuân ối chôu vế mâu rôh vê tuk tung hneăng tơplâ drô têa kơxĭ inâi troăng tuk Hồ Chí Minh. Ing mâu rôh tơkâ luâ kơpong khu xâ, cho khu lêng kong têa ê, mê lêng tuk pin djâ pháu hnêa mot achê tíu tơplâ, xuân ai hên tơdroăng tro mâu chôu phut ki khéa hơ'nêng xua vâi athế pro pơtôu tơ'nhiê dêi tuk tơná vâ rak pơkí dêi tơná, dêi tơmeăm, rêm tơdroăng hơ'muăn mê pơrá mơhno tối, chôu vế hiâm mơno khên tơnôu ƀă tơdroăng ki hlâ ƀă rêh achê dêi pó, dêi mâu lêng gak kring têa kơxĭ pin.

VOV.Xơ Đăng - Pơtối Hneăng hôp má 2, Kuô̆k hô̆i hneăng má XVI, hâi kố lơ  26/10, Kuô̆k hô̆i tơpui tơno hên tơdroăng tơkêa bro luât ki kal, tơkŭm tung kơvâ gâk kring, rak tơniăn, pơkuâ tơnêi têa ƀă pê klêi luât pơkâ.

VOV.Xơ Đăng - Hâi lơ 25/10, Kŏng an kong pơlê Lâm Đồng tơrŭm ƀă mâu tíu pêi cheăng ki tơdjâk tơkŭm po hnê hriâm tơniăn kơxô̆ hngêi trung hriâm ăm lối 2.000 ngế kăn ƀô̆, thái cô ƀă khu ki ai tơdjâk troh tung kong pơlê.

VOV.Xơ Đăng - A cheăm Nam Ban Lâm Hà, kong pơlê Lâm Đồng nếo tơkŭm po Leh tơbâ 50 hơnăm mơjiâng ƀă mơnhông kơpong cheăng kâ nếo Hà Nội (1976 - 2026). Sap ing kơpong tơnêi ki ôh tá ai klâi, xơpá, tíu kố hiăng chiâng mâu kơpong pơlê ki kro mơdrŏng, hdró rôh ki muih treăm tơnêi ƀă hiâm mơno tơrŭm Hà Nội – Lâm Đồng.