Tung rôh hôp peăng kơxo, Ngế xiâm pơkuâ Kŏng an, châ xo hnoăng pêi cheăng ing Ngế pro xiâm hnê ngăn Chin phuh pơcháu pêi, tơbleăng hlá mơ-éa chêh 'na 5 tơdroăng tơkêa bro luât, mê cho: Luât kring tơniăn tơdroăng chêh 'măn tung kơmăi; Luât kring vế tơmeăm ki kal tơdjâk troh kring tơniăn tơnêi têa; Luât pơkâ inâi ƀă mơnhên điê̆n tưh; Luât 'mâi hơ'lêh, tơ'nôm mâu tơdroăng dêi mâu luât 'na pơkuâ, xúa pháu hnêa, tơmeăm pơtôu, kế tơmeăm kum, hbrâ mơdât on chếo, tơpâ on chếo ƀă tŏng xo mơngế hliăng tiâ; Luât pơxâu phâk mâu ngế pro xôi ('mâi hơ'lêh).

Kuô̆k hô̆i xuân tơmâng tối tơbleăng séa ngăn mâu tơdroăng tơkêa bro luât tiô tơdroăng hneăng hôp. Pơtối mê, mâu kăn tơpui tơno a hngêi hôp kân 'na tơdroăng tơkêa bro Luât 'mâi rơnêu, 'mot tơ'nôm mâu tơdroăng dêi Luât xup um; tơdrêng amê tơpui tơno a tôh 'na mâu tơdroăng tơkêa bro luât ki tơdjâk.