Mâu ngế ki châ klâ xoăng ngăn tiô tơdroăng pơkâ hdrối nah ƀă nôkố vâ tơpui pêi pro tơtro. Ƀă mâu tơnêi tơníu ki tơtro pơkâ, kuăn pơlê châ pơtối pêi pro mâu hnoăng ki tơtro luât. Tung mơ-éa mơnhên hiăng xing xoăng ôh tá tơtro pơkâ kô châ séa ngăn tah lôi, vêh pro ăm ƀă pêi pro hnoăng liăn ngân tiô pơkâ. Ƀă tơnêi tơníu hiăng pơhlêh ăm, troăng tơpui ƀă pêi pro tiô troăng troh rak tơniăn hnoăng ki pơxúa dêi kuăn pơlê; tâng pro tro lŭp ăm Tơnêi têa xua pro xôi dêi kăn ƀô̆ mê kô séa ngăn hnoăng cheăng chêl thiê̆n. Mâu ngế ki ôh tá tơtro pơkâ kô châ tơpui ƀă pêi pro tiô pơkâ, tơdrêng amê séa ngăn mơdrếo liăn kuăn pơlê hiăng nâp.

Pôa Lương Nguyễn Minh Triết, Kăn pơkuâ hnê ngăn Đảng kong pơlê pơkâ séa ngăn, tơpui ƀă pêi pro tâi mâu hô sơ hdrối hâi lơ 15/12, rak tơniăn hnoăng pơxúa tro luât dêi kuăn pơlê ƀă pơxúa dêi Tơnêi têa.