VOV.Xơ Đăng - Măng tĭng hdrối (21/10), a Hà Nội, Hô̆i đong tơpui leăng Tơnêi têa tơkŭm po Hneăng hôp má pái, hneăng hơnăm 2026-2031.

VOV.Xơ Đăng - Tơmeăm pêi lo ing chiâk deăng ôh tá xê to pơtê a tơdroăng ki pêi lo, mê kal châ mơdêk ki kơnâ ing tơdroăng ki uâ pơliê, kơmăi kơmok rak vế ƀă tơdjêp ƀă kơchâi kâ, ôm hyô. Troăng pêi kố po tơ'nôm kơchơ tê mơdró, tơdrêng amê hlối pro tơdroăng cheăng kâ krá tơniăn ăm mơngế ki pêi pêt. Kố cho tơdroăng ki châ tơpui tơno a hneăng hôp "Tơmeăm pêi lo ing chiâk deăng Việt: Ing kơdrum deăng troh a kơchơ tê mơdró lâp plâi tơnêi", tơkŭm po a bêng Quy Nhơn Nam, kong pơlê Gia Lai.

VOV.Xơ Đăng - Tiô rơkong krếo thế dêi pôa António Costa, Kăn xiâm hnê ngăn Hô̆i đong Châu Âu prếi pôa Bart De Wever, Ngế pro xiâm hnê ngăn kong têa Ƀih, hâi lơ 21/10, pôa Tô Lâm, Kăn xiâm pơkuâ hnê ngăn cheăng Đảng, kăn xiâm hnê ngăn Tơnêi têa prế kơdrâi pôa ƀă khu râ kăn xiâm Việt Nam pơxiâm pôu păng ‘nâng Khu tơrŭm Châu Âu (EU) ƀă kong têa Ƀih.

VOV.Xơ Đăng - Tung rôh lăm pôu râ kăn xiâm kong têa Đan Mạch, kơxo hâi lơ 20/10, a pơlê kong xiâm Copenhagen, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa hiăng tơpui ƀă jâ Mette Frederiksen, Ngế pro xiâm hnê ngăn kong têa Đan Mạch.

VOV.Xơ Đăng - Kơlo tŏng kum apoăng hên má môi troh 2 rơtal liăn ƀă yăo sư châ mơhnhôk mot pêi cheăng a kong pơlê

VOV.Xơ Đăng -  Leh tơbleăng Kơphế Buôn Ma Thuột rôh má 10 hơnăm 2027 tiô tối kô po rơdâ tíu kong ngo troh têa kơxĭ ngiât, mơjiâng pro mâu tơmeăm túa lĕm tro, ôm hyô tơkŭm po ton troh tá ah ƀă mơdêk rơdêi mơđah tơbleăng inâi kơphế troh a mâu kong têa lâp plâi tơnêi. Kố cho mâu tơdroăng ki kal vâ ‘nâi tung kơxop hlá mơ-éa châ Vi ƀan hnê ngăn kong pơlê Dak Lak séa mơnhên ngăn ƀă tơpui tơno nhên a kơxê hâi lơ 20/10.  

VOV.Xơ Đăng - Kơxo lơ 20/10, Pơlê kong kân Hải Phòng tơkŭm po Leh tơbâ 80 hơnăm Hâi Pôa Hồ Chí Minh, Kăn xiâm hnê ngăn tơnêi têa rôh apoăng lăm pôu Hải Phòng.

VOV.Xơ Đăng - Klăng Hâi vâi kơdrâi Việt Nam lơ 20/10, pơla kố nah, a cheăm Phú Thiện, kong pơlê Gia Lai tơkŭm po Hâi tơkŭm xah hêi ro mơđah, tơbleăng tơmeăm OCOP ƀă tơmeăm ki ai a cheăm. Tơdroăng pêi pro dêi hâi tơkŭm xah hêi ro ăm hlo, vâi kơdrâi a Gia Lai ôh tá xê to pơxiâm tăng cheăng pêi châ tơƀrê ing pêi chiâk deăng, ếo pơtâk, kơchâi kâ... mê ối châ rak khôi túa lĕm tro hdrông kuăn ngo.

VOV.Xơ Đăng - Kơxê lơ 19/10, a Hngêi hôp Kuô̆k hô̆i, pôa Lê Minh Hưng, Ngế pro xiâm hnê ngăn Chin phuh prế pôa Trần Thanh Mẫn, Kăn xiâm hnê ngăn Kuô̆k hô̆i trâm mâ, rơkâu mâu vâi kơdrâi cheăng tung Kuô̆k hô̆i hneăng XVI drêng tơbâ 96 hơnăm Hâi vâi kơdrâi Việt Nam lơ 20/10.

VOV.Xơ Đăng - Tung rôh lăm pôu râ Tơnêi têa troh kong têa Đan Mạch, kơxê lơ 19/10, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa hiăng tơpui tối troăng hơlâ tŏng gum a Đại học Copenhagen.