VOV.Xơ Đăng - Kong pơlê Dak Lak hiăng pơkâ hnoăng cheăng ki kân “30 hâi măng” tí tăng séa mơnhên, chêh ‘măn tung măng, bro rơnêu, ‘mâi chêh ‘măn ƀă tơdjêp mah kơxô̆ kơpong ki pêt, tíu ki têng, uâ, mơdi, tâ plâi sầu riêng. Kố ôh tá xê to troăng hơlâ vâ lêi tah lôi mâu tíu ki ối kreăng, tơvâ tơvân a ngiâ mê ối cho vâ mơnhên xiâm kối, cho hveâ chêng prôk ing pơkuâ ngăn ki chêh ‘măn tung măng tiô khôi hmâ chiâng hnoăng pơkuâ ngăn a râ ki rơkê tâ tiô chal nếo, xuân rah xo ing mâu tơdroăng hiăng chêh ‘măn tung hlá mơ-eá hdrối mê hía nah, ing mê, veăng gum mơnhên hnoăng cheăng Pơkâ kơxô̆ 57 dêi Khu xiâm ngăn ‘na Cheăng kal kí ‘na ki tơtêk a’ngêi dêi cheăng khoa hok, kŏng ngê̆, pơhlêh ki rơkê plĕng ƀă xúa mâu phân mêm vâ chêh tâ ‘măn tung măng dêi tơnêi têa.

VOV.Xơ Đăng - Khế Tơmeăm hơnăm 1945, lối 20 rơtuh ngế kuăn pơlê tung lâp tơnêi têa hiăng môi hiâm môi mơno xông tơplâ xâ, pro chiâng ƀlêi trâng ăm Kăch măng Khế Tơmeăm, mơjiâng tơnêi têa Việt Nam Yân chuh Kŏng hòa. 81 hơnăm hdrối, hiâm mơno mê ôh tá la lâi pơtê châ pơtối rak vế, pêi pro: sap ing châ ƀlêi trâng kăn pơkuâ chal ton nah chiâng khu kăn pơkuâ chal nếo, sap ing hâi pro tơleăng lĕm hdrông mơngế troh ‘mâi mơnhông ivá tơmiât pêi rơkê, mơjiâng Việt Nam krá rơdêi, kro mơdrŏng. Tâng hơnăm 1945, “lâp tơnêi têa xông pơplâ xâ” cho xông tâng châ ƀlêi trâng mơjiâng tơniăn krê, mê hâi kố, cho hiâm mơno hbrâ rơnáu vâ pơhlêh nếo, khên tơnôu pro pơhlêh ki pá puât, ăm tơnêi têa xông tơtêk klêi mot tung chal nếo.

VOV.Xơ Đăng - A mâu kơpong hơngế hơngo, kơpong hdroâng kuăn ngo, tíu tơkăng kong dêi kong pơlê Dak Lak, tơdroăng hbrâ ăm hơnăm hriâm nếo ôh tá xê to 'mâi rơnêu hngêi trung, mê ối cho tơdroăng ki djâ rêm ngế hok tro troh hngêi trung ƀă rak vâi rêh ối ƀă ai lâm mơhriâm. Ƀă mâu rơpŏng ki ối trâm hên xơpá, tơdroăng rơtế prôk, tơveăng gum dêi thái cô bu pơxiâm ing mâu tơdroăng ki tơ'lêi môi tiah kơxop mơ-éa, loăng chêh troh rơxế vâ kơto prôk lăm.

VOV.Xơ Đăng - Leh tơbleăng drôu xiâm, chuât xơtó dêi idrâp chêng koăng, mơngiơk khôi túa lĕm tro Tây Nguyên xuân môi tiah tíu chôu ‘măn tơbleăng mơhno plâi sầu riêng, tơmeăm pêi lo ing chiâk deăng ki phá tơ-ê má môi dế chiâng tơdroăng ki kơdrâm phiu ro a hên cheăm a kong pơlê Dak Lak tung rôh Leh tơbleăng Sầu riêng hơnăm 2026. Pin rơtế veăng tơdroăng ki phiu ro leh tơbleăng a mâu cheăm Liên Sơn Lắk ƀă Ea Knuếc, châ ôu drôu xiâm ngeăm xăng ‘mrĭt dêi mơngế M’Nông, ƀă ối tung tơdroăng ki po mơdĭng khíu pâ rơnó châ phâi hơtô dêi kuăn pơlê mơngế Rơđế.

VOV.Xơ Đăng - Kơxêi hâi lơ 27/8, a tíu pêi cheăng xiâm Đảng, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkuâ po rôh pêi cheăng ƀă Khu tơrŭm cheăng xiâm tơnêi têa ƀă mâu kơ koan ki tơdjâk troh ăm veăng tơpui tối 'na Tơdroăng tơkêa bro thăm mơdêk, mơjiâng pro lĕm tro Đảng ƀă khu cheăng kal kí krúa lĕm, krá rơdêi tâi tâng, tơxâng pơkâ mơnhông dêi tung tŭm tơdroăng, ai tiô pơkâ mơnhông dêi tơnêi têa tung rơ xông nếo.

VOV.Xơ Đăng - Vi ƀan hnê ngăn kong pơlê Dak Lak hiăng pơkâ ăm phêp Kŏng ti veăng tơlo liăn cheăng mơjiâng pro on tơhrik ki vêh pro nếo Nam Việt Phú Yên tơbleăng tơdroăng tơkêa bro Hngêi kơmăi on tơhrik kơtâu ƀă khía 48 MW, tâi tâng kơxô̆ liăn vâ chê 1.460 rơtal liăn.

VOV.Xơ Đăng –  Tơmeăm khoăng Hngêi trung Phôh thong ai tíu kâ koi ối pơtê tơdjêp râ a cheăm tơkăng kong Ia Pŭch, kong pơlê Gia Lai dế pro klêi lâm hriâm, kơpong ối pơtê troh 'mâi rơnêu plông hngêi trung, teăm tơdah hok tro tung hâi pơxiâm mot hơnăm hriâm.

VOV.Xơ Đăng –  Hâi lơ 27/8, khu râ kăn pêi cheăng dêi Khu xiâm pơkuâ liăn ngân hiăng ai rôh pêi cheăng ƀă Vi ƀan kuăn pơlê kong pơlê Quảng Ngãi ‘na mơnhông cheăng kâ rêh ối pơlê pơla dêi kong pơlê kố.

VOV.Xơ Đăng –  Kơxê lơ 27/8, a Tíu pêi cheăng Chin phuh, pôa Lê Minh Hưng, Ngế pro xiâm hnê ngăn tơnêi têa tơdah Kăn teăng mâ, Ngế ối a ko kơ koan teăng mâ tơpui kâ ƀă kong têa ê mâu kong têa ASEAN troh koh hmât tơpui tơno.

VOV.Xơ Đăng - Tơbâ 81 hơnăm Hâi Kăch măng Khế Tơheăm ƀlêi chiâng ƀă Hâi mơjiâng tơnêi têa lơ 2/9, kơxo lơ 27/8, a Hà Nội, pôa Trần Thanh Mẫn, Kăn xiâm hnê ngăn Kuô̆k hô̆i veăng leh tơbleăng kơxop hlá mơ-éa "Ivá rơdêi dêi hdroâng mơngế Việt Nam tung tơdroăng mơjiâng ƀă gâk kring Tơnêi têa" dêi Đăi tươ̆ng Lương Cường, Kăn xiâm hnê ngăn kong têa Kŏng hoa xah hô̆i chuh ngiah Việt Nam hneăng hdrối.