VOV.Xơ Đăng - Kơxê lơ 25/5, a Hngêi Kuô̆k hô̆i, pôa Trần Thanh Mẫn, Kăn xiâm hnê ngăn Kuô̆k hô̆i hiăng pơkuâ tơdroăng hôp ƀă Khu hnê mơhno má môi Viƀan Khoa hok, Kŏng ngê̆ ƀă Kong prâi dêi Kuô̆k hô̆i.

VOV.Xơ Đăng - Mơnhên rơnó mê têa kân hơnăm 2026 mơni kô lân lu pơtối ôh tá tơniăn, Vi ƀan hnê ngăn kong pơlê Lâm Đồng dế tơbleăng tơdâng tơ’mô hên troăng hơlâ pêi pro vâ hbrâ ví ƀă kong mê khía mơhot têa kân lân lu pro.

VOV.Xơ Đăng - Khu ngăn ‘na Khoa hok ƀă Kong ngê̆ kong pơlê Dak Lak tơkŭm po lâm hriâm ‘na pơkuâ ngăn tơdroăng cheăng Khoa hok ƀă Kong ngê̆ hơnăm 2026 ăm mâu kăn ƀô̆, kong chưk sap ing kong pơlê troh râ cheăm, bêng.

VOV.Xơ Đăng - Kơxo lơ 25/5, a Hà Nội, châ tơdroăng pơkâ thế dêi Ngế pro xiâm hnê ngăn Chin phuh, jâ Phạm Thị Thanh Trà, Phŏ Ngế pro xiâm hnê ngăn tơnêi têa hiăng diâp pơkâ tơdah xo, pôk tơ’nôm pôa Nguyễn Huy Dũng pro Phŏ Ngế xiâm Ngăn Túa lĕm tro, Tơ’noăng ivá ƀă Ôm hyô.

VOV.Xơ Đăng - Kơxo lơ 25/5/2026, a Tíu pêi cheăng Xiâm Đảng, pôa Tô Lâm, Kăn xiâm pơkuâ hnê ngăn cheăng Đảng, Kăn xiâm hnê ngăn tơnêi têa, Ngế xiâm Khu hnê mơhno Tơnêi têa ‘na mơjiâng khoa hok, kong ngê̆, pơhlêh nếo tơmiât pêi rơkê ƀă pơhlêh kơxô̆ pơkuâ po rôh pêi cheăng dêi Khu pơkuâ Hnê mơhno vâ ăm troăng hơlâ ‘na cheăng hriăn ngăn khoa hok.

VOV.Xơ Đăng - Klêi kơ’nâi vâ chê môi hơnăm pêi hnoăng cheăng hnê ngăn kuăn pơlê péa râ, hên mâu cheăm, bêng a kong pơlê Khánh Hoà dế trâm pá hên ‘nâng ‘na mơngế cheăng, ‘na liăn ngân mơhá mơngế cheăng ƀă hnoăng cheăng pơhlêh kơxô̆ tiô chal nếo. A roh hop tơpui tơno pơla Khu kăn pơkuâ hnê ngăn Đảng ủi kong pơlê Khánh Hoà ƀă mâu kăn ƀô̆, mơngế pơkuâ, mơgế cheăng a râ cheăm pơla hdrối kố nah ăm hlo, tơdroăng pơkâ thế pêi pro tơdrêng athế rĕng lêi tah lôi mâu tơdroăng ki tơvâ tơvân thăm mơdêk ki tơƀrê tung hnoăng cheăng dêi khu kăn hnê ngăn a cheăm bêng.

VOV.Xơ Đăng - A cheăm kơpong 3 ki pá puât Trường Xuân, kong pơlê Lâm Đồng, ihiâm mơno dêi Tơdroăng pơkâ kơxô̆ 57 dêi Khu xiâm kal kí ‘na mơnhông khoa hok kŏng ngê̆, pơhlêh nếo tuăn tơmiât pêi rơkê ƀă pơhlêh xúa kŏng ngê̆ dế châ pêi pro ƀă mâu tơdroăng pêi ki nhên ƀă mâu tơdroăng pêi ki tơtro. Kuăn pơlê kô chiâng gum dêi pó pro mâu hlá mơ-éa tung phôn râng kŏng.

VOV.Xơ Đăng - Hô̆i đong hnê mơhno kơdroh tơdroăng xôi hơnăm 2026 hiăng mơnhên lối 10.000 hô sơ mơngế ki xôi chiâng vâ kơdroh tơdroăng xôi mơ’no phâk hdrối hâi pơkâ.

VOV.Xơ Đăng - Pơkâ mơnhông mơdêk cheăng kơmăi kơmok, thăm tơdjêp kơpong, mơnhông mơdêk ôm hyô ƀă rak vế khôi túa lĕm tro... cho mâu tơdroăng ki xiâm tơtrŏng a Hôp tơno ‘mâi rơnêu bro pơhlêh Pơkâ pêi kong pơlê Dak Lak hneăng hơnăm 2021 – 2030, tơmiât pêi troh hơnăm 2050, tơkŭm po a Ƀuôn Ma Thuột, ƀă tơdroăng ki veăng hên ngế cheăng khoa hok, pơkuâ ƀă khu tê mơdró mơ’no liăn cheăng tung lâp tơnêi têa.

VOV.Xơ Đăng - A Hà Nội, Ngế pơkuâ tơdroăng kal kí ƀă Hnê mơhnhôk Tíu xiâm, rơtế ƀă mâu kăn lăm pôu, pêi cheăng rơkâu Tíu xiâm ngăn Khôp Phop Việt Nam drêng troh hâi Tĭng kân Phật đản - Phật lịch 2570 - Dương lịch 2026, a hngêi chuô Quán Sứ.