Tung rôh hôp kơxo, Kuô̆k hô̆i tơpui tơno ‘na tơdroăng tơkêa bro Luât ‘mâi rơnêu, tơ’nôm mâu troăng dêi Luât Mơ’no liăn cheăng ƀă Luât Pleăng, xo, pơklêp mô, klêa kliêm  dêi kuăn mơngế ƀă pleăng, xo châ mơngế (‘mâi rơnêu).

Ngế xiâm Khu xiâm pơkuâ liăn ngân ƀă Ngế xiâm Khu xiâm ngăn pơkeăng ƀă khăm pơlât kô tiâ tối, pêi pro inhên Luât Luât sư ƀă Luât păn roăng kuăn păn (‘mâi rơnêu); Ngế xiâm Khu xiâm hnê arak luât  tiâ tối mâu rơkong tơpui dêi kăn teăng mâ. Tung măng tĭng kố, Kuô̆k hô̆i pơtối séa ngăn hên tơdroăng tơkêa bro luât ối tung mâu kơvâ cheăng kâ, liăn ngân, xo hnoăng mơhá, gâk kring, kong prâi, on tơhrik ki vêh pro ƀă pơkuâ pơlê pơla. Tơdrêng amê, mâu kăn teăng mâ tơpui tơno ‘na troăng hơlâ mơ’no liăn cheăng Tơdroăng xiâm tơnêi têa hbrâ, mơdât mơngế xôi hneăng hơnăm 2026 – 2035 ƀă mâu tơdroăng xiâm ki kal ki ê. Tiô tối hdrối, kơxo hâi Tơdrốu, Kuô̆k hô̆i têk kŏng môi tuăn tơbleăng Tơdroăng pơkâ xiâm ‘na pơkâ pêi mơnhông mơdêk cheăng kâ – rêh ối pơlê pơla hơnăm 2027.