Tối nhên chêl thiê̆n, tŏng kum, vêh pro pơlê nếo tơdjâk tơdrêng troh tơdroăng rêh ối dêi kuăn pơlê ƀă xuân cho kơvâ ki pro hên tơdroăng ki pơsăm tối, pơsăm tơkêng ki ôh tá tơniăn, ton xŏn, mâu kăn tối tiah kố, kal mơnhên yă tơnêi vâ chê yă ki khât dêi kơchơ tê mơdró, kum kuăn pơlê châ xo kơxô̆ liăn chêl thiê̆n tơxâng drêng xo tơvêh tơnêi.

Ƀă tơnêi pêi chiâk deăng ối tung kơpong kuăn pơlê rêh ối ai xiâm kối xúa tơniăn ing hên rơxông, pôa Lê Hữu Trí, khu kăn kong pơlê Khánh Hòa pâ thế, hriăn ngăn troăng hơlâ chêl thiê̆n tơtro ƀă xiâm kối tơnêi, tơdroăng xúa ƀă tơdjâk ki khât dêi tơdroăng xo tơvêh tơnêi.

Tiô pôa Dương Khắc Mau, kăn teăng mâ Lâm Đồng, kal pêi pro pơkâ tíu ối thế lĕm tâ tíu ối ton ƀă mâu túa pơkâ inhên, kô chiâng vâ mơnhên. Mâu kăn xuân tối tiah kố, Kơxop hlá mơ-éa Luât hiăng tơmâng hên tâ troh tơdroăng pơkâ tơniăn tơdroăng rêh ối, pêi cheăng kâ, tê mơdró ƀă 'mâi mơnhông cheăng kâ rêh ối ăm mâu ngế ki ai tơnêi tro xo tơvêh, la kal pêi nhên tâ hnoăng cheăng, tơdroăng pêi pro troăng hơlâ.

Troăng hơlâ xo tơvêh tơnêi athế châ mơnhên ôh tá xê to ƀă tơdroăng pêi pro tơdroăng tơkêa bro mê ối ƀă tơdroăng ki tơniăn tơdroăng rêh ối ƀă 'mâi mơnhông cheăng kâ rêh ối dêi mâu ngế ki tro tơdjâk.