Hlo tơdroăng cheăng pêi hên hlối pá tung pái khế mơ’nui hơnăm, pơkâ thế tâi tâng khu cheăng khŏm mơ-eăm tơkâ luâ xơpá tung pơla pêi cheăng vâ "rĕng kêi", Ngế pro xiâm hnê ngăn tơnêi têa tối nhên, vâ pêi châ tơdroăng pơkâ tơtêk péa kơxô̆, GDP pái khế mơ’nui hơnăm thế tâk lối 12,5%, pơkâ thế mâu khu xiâm, kơvâ cheăng, kong pơlê mơ-eăm pêi châ  a kơlo ki hên má môi.

Ngế pro xiâm hnê ngăn tơnêi têa pơkâ thế mơnhên nhên tíu ki tơ'lêi hlâu, ivá mơdêk ki u ối; tah lôi tâi tâng mâu tíu ki tơvâ tơvân, pêi klêi luât pơkâ, luât ƀă tơleăng mơnhên klêi mâu tơdroăng tơkêa bro ki u ối vâ mơhnhôk ivá cheăng ăm mơnhông mơdêk. Rơtế amê, thế tơkŭm mơ'no liăn cheăng 100% tiô pơkâ mơ'no liăn cheăng tơnêi têa hơnăm 2026, djâ mâu tơdroăng tơkêa bro ki kal tro tiô pơkâ.  

Mâu kong pơlê ki ai tơdroăng cheăng kâ kân thế mơ-eăm hên tâ, xúa rơdêi mâu tơdroăng ki mơnhông ing pêi chiâk deăng, 'no liăn cheăng, rôe xúa, tê ngi kong têa ê ƀă 'no liăn mơjiâng tơmeăm khoăng tơnêi têa. Ngế pro xiâm hnê ngăn tơnêi têa xuân pơkâ thế hbrâ rơnáu túa pơkâ hbrâ ví yă to kơnâ, séa ngăn kơtăng yă têa châu têa kơxăng, on tơhrik ƀă tơmeăm ki kal.