A cheăm Bảo Lâm 2, têa ing kơnhŏng mâu têa kroăng hiu rĕng, pro têa lu sap ing 80cm troh 1,2 met a hên kơpong kuăn pơlê rêh ối. Khu kăn pơkuâ cheăm hiăng mơhnhôk khu lêng, kŏng an, droh rơtăm tŏng kum kuăn pơlê 'mâi xĕn, xĕn tơmeăm ƀă xĕn lối 40 rơpŏng troh tíu tơniăn. Mâu hngêi hôp tơdjuôm thôn châ xing xoăng pro tíu ối pơtân.

A Đà Lạt, kong mêi kân ton hâi xuân pro têa lân lu hên troăng prôk. A bêng Cam Ly - Đà Lạt, têa kroăng Tô Ngọc Vân tâk troh a troăng, ai tíu ki 'nâ tâk vâ chê 1 met, pro hên rơxế ô tô kơmăi ôh tá chiâng vâ pơtôu. Mâu kơpong ki ê a bêng Lâm Viên - Đà Lạt ƀă bêng Xuân Hương - Đà Lạt xuân tro têa lân lu. Klêi kơ'nâi kong mêi kơdroh, têa a hên tíu kơdroh rĕng, khu cheăng ƀă kuăn pơlê tơkŭm po mơgrúa tơnêi, 'mâi rơnêu tơmeăm khoăng.