Lối 100 ngế cheăng khoa hok, ngế rơkê tơpui tơno troăng pêi cheăng khoa hok, kŏng ngê̆ ăm mơnhông mơdêk krá tơniăn
Thứ năm, 10:05, 08/10/2026
Tơplôu: A Sa Ly/VOV
Tơplôu: A Sa Ly/VOV
VOV.Xơ Đăng - Kơxo hâi lơ 7/10, a Tíu xiâm Khoa hok ƀă hnê hriâm tơrŭm cheăng lâp plâi tơnêi - ICISE, bêng Quy Nhơn Nam, kong pơlê Gia Lai, lối 100 ngế khu cheăng khoa hok, khu ki rơkê 'na kŏng ngê̆, khu tơpui kâ ƀă khu ki pơkâ troăng hơlâ tung tơnêi têa, kong têa ê veăng po Hneăng hôp "Khoa hok ƀă kŏng ngê̆ vâ mơnhông krá tơniăn".
Xông tơpui a Hneăng hôp, pôa Lâm Hải Giang, Phŏ Kăn hnê ngăn Vi ƀan kong pơlê Gia Lai mơnhên Pơkâ 57 dêi Khu xiâm kal kí mơnhên khoa hok, kŏng ngê̆, pơhlêh nếo tơmiât pêi rơkê ƀă pơhlêh pêi cheăng xúa kŏng kơxô̆ cho ivá ki xiâm mơnhông tơnêi têa, dế pơkâ tâi tâng roh tơ'lêi hlâu ƀă hnoăng cheăng ăm khu cheăng khoa hok. Kong pơlê Gia Lai rơhêng vâ châ tơmâng rơkong tơpui tối dêi mâu kăn, tá 'na tơdroăng ki ai khât dêi Gia Lai ƀă mâu tơdroăng ki mơni kô trâm.
Tung tơdroăng hôp, mâu kăn veăng mâu rôh tơpui tơno tơkŭm 'na khoa hok, tơpui kâ ƀă pơkâ troăng hơlâ ƀă mâu tơdroăng pơloăng mơnúa tung la ngiâ; on tơhrik kơtâu ƀă trếo tik nik a mâu tơdroăng cheăng kâ mơnhông rĕng, tung mê ai Việt Nam.
Viết bình luận