Kố cho rôh pôu păng ‘nâng apoăng dêi pôa Lê Minh Hưng troh a péa tơnêi têa ki achê tung hnoăng cheăng ngế ki ối a ko Chin phuh. A Lếo, rôh pôu kố po tung pơla klêi kơ’nâi kong têa kố rah xo kăn pơkuâ Chin phuh, pro tơ’lêi hlâu vâ péa Ngế pro xiâm hnê ngăn tơnêi têa tơpui ‘na troăng tơmiât pêi ƀă mâu troăng hơlâ thăm mơdêk tơrŭm cheăng tung hneăng nếo. A kong têa Kul, rôh pôu kố po tung pơla pŭn khế klêi kơ’nâi pôu păng ‘nâng Việt Nam dêi pôa Hun Manet, Ngế pro xiâm hnê ngăn kong têa Kul.

Tung rôh lăm pôu kố, pôa Lê Minh Hưng, Ngế pro xiâm hnê ngăn tơnêi têa kô rơtế ƀă kăn pơkuâ péa tơnêi têa tơpui ‘na mâu troăng hơlâ thăm mơdêk tơrŭm cheăng, malối cho ‘na cheăng kâ, tê mơdró, ‘no liăn cheăng, tơdjêp troăng klông, hnê hriâm ƀă trâm mâ kuăn pơlê. Rôh pôu kố veăng gum ăm mâu tơdroăng tơkêa khu râ kăn xiâm pơla Việt Nam ƀă Lếo prếi Kul mot trâu rơdâ ai pơxúa tơƀrê tâ.