Tung rôh kố, UNICEF tŏng kum 450 kơthung tâ têa châ 1.000 lit ăm kuăn pơlê a 3 to cheăm Ea Phê, Čư̆ Pui ƀă Krông Pač, kong pơlê Dak Lak. Mâu ngế ki châ tŏng kum cho mâu rơpŏng ki ôh tá ai tŭm têa krúa vâ ôu kâ hum roh, malối cho têa ôu. Tơdroăng ki kơjo kum mâu rơpŏng kơtiê, vâ chê kơtiê, rơpŏng xua vâi kơdrâi pơkuâ ƀă rơpŏng ai vâi hdrêng, malối cho vâi hdrêng ki chó chêng tơvê kŏng.

Rơtế ƀă tŏng kum mâu rơpŏng hngêi, tơdroăng kố ối séa ngăn gum ăm kơthung dâ têa ăm mâu hngêi trung ki ai tơdroăng kal vâ khât, veăng kum rak tơniăn têa vâ xúa ăm hok tro ƀă thái cô. Tơdroăng ki xing xoăng ăm kơthung tâ châ tơbleăng tung pơla mâu kong pơlê dế hbrâ rơnáu hbrâ rơnáu tơdroăng ki hbrâ ví kong tô mơdrăng, ôh tá ai têa ôu kâ hum roh malối cho rơnó mơdrăng 2026-2027.