Rôh hriâm pơtâp kố ai hên ngế tá khu lêng ƀă mâu khu tơmeăm xúa, ƀă tơdroăng ki veăng lối 2.600 ngế ƀă lối hrĭng toăng mâu rơxế, kế tơmeăm xúa ki hmâ xúa, tung mê ai tá trưk thăng, chó. Tơdroăng ki kal dêi rôh hriâm kố ai 2 hneăng: Mơjiâng khu pơkuâ tơrŭm ƀă pơcháu hnoăng, tơkŭm môi tuăn. Hneăng má 2 cho mơnúa hbrâ ví ƀă mâu rôh kong mê khía mơhot têa kân lân lu, ƀă mâu tơdroăng ki xiâm: Tŏng xo tơdrêng kuăn pơlê a kơpong tro têa lân lu ƀă tơbleăng pro tíu pơlât pơtân; tŏng gum tơdroăng ki tơhnah mâu long rơchoâ têa; hbrâ ví ƀă tơdroăng ki lo, dêi mâu trếo pơkeăng rơ-iêo ƀă hên ki ê.

Rôh hriâm pơtâp kố cho vâ mơdêk ivá pơkuâ, ƀă ivá tơrŭm, môi tuăn pơla khu lêng pái kong têa Việt Nam – Lếo – Kul tung tŏng xo mâu ngế ki trâm xía vâ, kong mê khía mơhot têa kân lân lu ki hên ngế, pêi châ tơdroăng pơkâ thế, hnoăng cheăng hbrâ mơdât tung tơdroăng nếo.