Troh nôkố, lâp kong pơlê Gia Lai ai 517 mah kơxô̆ kơpong pêt, ƀă ƀăng tơnêi lối 13.500 hectar. Tung mê, ƀăng tơnêi ki vâ tê ngi kong têa ê lối 12.700 hectar. Rơtế amê, kong pơlê xuân ai lối 60 mah kơxô̆ tíu tâ tung kơthung vâ tê ngi kong ăm tơdroăng ki xúa mah kơxô̆ kơpong pêt, kong pơlê Gia Lai hiăng tơkŭm chêh 'măn mâu tơdroăng ki chêh 'măn dâng 7.350 hectar kơphế dêi lối 5.200 rơpŏng ƀă vâ chê 970 hectar plâi sầu riêng dêi 712 rơpŏng.

Vâ mơdêk rĕng tơdroăng ki xúa mah kơxô̆ kơpong pêt tung la ngiâ, Khu ngăn 'na chiâk deăng ƀă Hyôh kong prâi kong pơlê Gia Lai pơtối pêi pro tiô troăng rơhlâ, ki rơhêng vâ tối cho tíu ki ai tơnêi tơníu chêh 'măn tŭm, séa ngăn nhên mâu kơpong tơnêi tơníu ki kŭn ƀă tơ'nôm rêm râ a kơpong ki ai tơnêi tơníu kân, tơdroăng tơnêi tơníu ôh tá tơniăn.