Tiô Pơkâ dêi Chin phuh, kuăn pơlê kong têa Sinuâ djâ hô̆ chiê̆u ki ối hâi khế pơkâ châ ôh tá êa kal theh visa drêng prôk tiô khu sap ing 2 ngế tơngi klêng, veăng tung tơdroăng ôm hyô ki ôh tá luâ 30 hâi xua khu mơdró kâ rak ngăn mâu tơmối ôm hyô kong têa ê dêi Việt Nam tơkŭm po. Tơmối athế kơneăng tơdrăng sap ing Sinuâ troh Tơraih tơƀai lâp plâi tơnêi Cam Ranh, hlối mot ƀă lo ing rơtế bo cheăng. Troăng hơlâ kố châ pêi pro troh tâi hâi 31/12/2027, tung Hơnăm tơrŭm cheăng ôm hyô Việt Nam – Sinuâ 2026 -2027.

Kơvâ ôm hyô Khánh Hòa tơngah troăng hơlâ ôh tá êa kal theh visa kô pro tơ’lêi hlâu ăm khu mơdró kâ mơjiâng pro tour tâi tâng, tơdjêp tơrŭm ƀă tí tăng rôh kơneăng tơdrăng ing Sinuâ troh Cam Ranh. Ing mê, kong pơlê ai tơ’nôm rôh tơ’mot tơmối tung mâu khế mơ’nui hơnăm 2026 ƀă hơnăm 2027, thăm mơdêk tơdroăng cheăng ối pơtê, ôm hyô ƀă mâu tơdroăng ki ê.