Cheăng tơrŭm dêi Khu râng liăn ngân tơnêi têa ƀă mâu kong pơlê rế hía rế prôk trâu hngế tung tơdroăng ki ai khât. Klêi séa ngăn gum cheăng ăm Hô̆i đong hnê ngăn pơkuâ, séa ngăn, kĭ pơkâ mơgêi ‘no hrê liăn ngân ƀă pơkâ mâu tơdroăng ‘na liăn ngân, xoăng liăn ngân. Troh tâi khế 9 hơnăm kố, tơdroăng ki pêi pro pâ thế séa ngăn a kong pơlê Khu Séa ngăn liăn ngân Tơnêi têa kơpong VIII châ lối 94%.

Hnê mơhno a rôh hôp, pôa Nguyễn Hữu Nghĩa, Ngế xiâm Séa ngăn liăn ngân Tơnêi têa pơkâ thế Séa ngăn liăn ngân tơnêi têa kơpong VIII séa ngăn kơtăng rêm kong pơlê, rah xo tơdroăng ki séa ngăn ki kal, pôi tá ăm ai tơdroăng ki ôh tá tơniăn ƀă séa ngăn kơtăng tung tơdroăng pêi pro pâ thế.