VOV.Xơ Đăng - Tơkŭm po sap hâi lơ 15/8 troh lơ 2/9, kố cho rôh apoăng Leh tơbleăng sầu riêng a Dak Lak châ tơkŭm po râ kong pơlê. Leh tơbleăng ai 17 tơdroăng po, tơkŭm po a bêng Ƀuôn Ma Thuột , cheăm Krông Pắc, bêng Tuy Hòa rơtế mâu cheăm, bêng ai ƀăng pêt plâi sầu riêng hên. Leh tơbleăng Sầu riêng Dak Lak hơnăm 2026 ôh tá xê to vâ mơđah tơbleăng tơmeăm mê ối tơmiât troh mơjiâng khu hdrê loăng tâ tá, kơvâ tơmeăm khoăng ki ai tơdjâk troh plâi kâ, po rơdâ tíu tê ƀă mơjiâng ki kơnâ krá tơniăn ăm mơngế pêt mơjiâng.

VOV. Xơ Đăng - Kơxê hâi lơ 13/8, a Đà Lạt, hiăng po hneăng trâm mâ pơla Vi ƀan kuăn pơlê kong pơlê Lâm Đồng ƀă Kăn teăng mâ Ấn Độ ki cheăng a Pơlê kong kân Hồ Chí Minh. Tơdroăng trâm mâ tơdjêp tơrŭm cheăng mơnhông ôm hyô.

VOV.Xơ Đăng - Djâ khôi túa lĕm tro chiâng tơdroăng ki mơnhông mơdêk, mơjiâng mâu tơmeăm ƀă ôm hyô ai kơnâ cheăng kâ mê khu kăn pơkuâ kong pơlê Dak Lak pơkâ a rôh hôp rôh má péa dêi Khu hnê mơhno ‘na mơnhông khôi túa lĕm tro kong pơlê nếo tơkŭm po. Kố xuân cho tơdroăng pơtâng hnê tối đi đo tung tơdroăng mơnhên tơdroăng châ tơƀrê pêi pro Tơdroăng pơkâ kơxô̆ 80 dêi Khu xiâm kal kí ‘na mơnhông khôi túa lĕm tro Việt Nam a kong pơlê.

VOV.Xơ Đăng - Tung tơdroăng rêh kâ ối tiô chal nếo nôkố, hên ki kơnía ‘na khôi túa, vêa vong hiăng vâ chê hía long lôi. Laga, a Ƀuôn Hai, cheăm Čư̆ Mta, kong pơlê Dak Lak mâu khôi túa, vêa vong dêi hdrông Rơđế, kuăn pơlê akố xuân ối pơtối rak vế ƀă hnê tơdjâ troh hên rơxông kơ’nâi. Ing idrâp chuât dêi chêng koăng chuâta xơtó, mâu túa leh mơdĭng tiô khôi hmâ troh a tuăn mơno ‘nâi veăng tơrak vế dêi khôi túa, vêa vong a tơrêm rơpŏng hngêi hiăng tơveăng pro chiâng ivá ó rơdêi krá tơniăn ton tung túa lĕm tro a tíu kố.

VOV.Xơ Đăng - Tung pơla hdrối kố hía nah, kong pơlê Dak Lak đi đo po hên lâm hnê tôu chêng a mâu pơlê. Mâu lâm mơhriâm mê ôh ti xê to veăng tơbâ tơdroăng tuăn pâ hâk vâ ‘na túa lĕm tro ton nah dêi hdrông mơngế tơná tung mâu hơnăm ối nếo, mê ối cho túa vâ kong pơlê hnê pêi pro tiô Hlá mơ-éa chêh troăng hơlâ luât pơkâ 80 Tíu xiâm. Drêng luât pơkâ hiăng djâ pêi pro păng ‘nâng a  tơrêm pơlê cheăm, tơmeăm khoăng ton nah ôh ti xê to châ rak vế mê ối pơtối châ pơxúa ăm hnoăng tung rêh ối dêi kuăn pơlê.

VOV.Xơ Đăng - Rơtế tơdjuôm tơdroăng ki hơniâp ro dêi hơnăm Ôm hyô Tơnêi têa Gia Lai 2026, sap ing hâi lơ 7 troh lơ 9/8, Vi ƀan hnê ngăn cheăm Phú Túc, kong pơlê Gia Lai tơkŭm po Hâi mơdĭng Mơhno túa lĕm tro – Tơ'noăng Ivá mâu hdroâng kuăn ngo roh má I rơtế ƀă Rôh po kơchơ tơbleăng tê tơmeăm khoăng pêi lo ing chiâk deăng châ dó inâi OCOP. Tơdroăng pêi pro mê ga gok gâ, hơniâp ro, hơtô, mơhno tơdroăng rêh ối mơhno túa lĕm tro hên mơngiơk dêi pơlê pơla mâu hdroâng kuăn ngo akố.

VOV.Xơ Đăng - Pơ’lâng ƀă kong kế ngo ngối a Tây Nguyên, pin lăm troh a têa kơxĭ ngiât lĕm vâ tí tăng 'nâi plĕng ‘na Leh tơdah xo Lệnh Ông Sanh – túa pro ki kal tung Leh mơdĭng rơkâu xối xeăng dêi kuăn pơlê a pơlê pơla achê kĭng têa kơxĭ bêng Phan Thiết, kong pơlê Lâm Đồng. Leh mơdĭng châ tơkŭm po kân krip a têa kơxĭ, a têa kroăng Cà Ty ƀă mâu troăng kân xiâm dêi bêng Phan Thiết. Leh mơdĭng ôh tá xê to pơtroh tơdroăng pói vâ 'na mâu rôh tơnăng ká xi xŏng a têa kơxĭ tơniăn mê ối veăng gum rak vế khôi túa lĕm tro dêi pơlê pơla kuăn pơlê kơpong têa kơxĭ.

VOV.Xơ Đăng -  Rôh apoăng bêng Buôn Ma Thuột, kong pơlê Dak Lak tơrŭm hnê túa lĕm tro khôi hmâ ƀă hnê tơdroăng ki vâ pro ôm hyô pơlê pơla a pơlê cheăm, tơmiât troh mơjiâng khu ngế hơnăm ối nếo rế rak vế túa lĕm tro Rơđế, rế veăng mơjiâng pro ôm hyô pơlê pơla.

VOV.Xơ Đăng -  Kơmăng lơ 3/8, a Plông kân Nguyễn Tất Thành, bêng Quy Nhơn, kong pơlê Gia Lai tơkŭm po pơxiâm po Tơ’noăng Lâp plâi tơnêi Tơchok tiô khôi vâi krâ nah Việt Nam rôh má IX – Gia Lai 2026.

VOV.Xơ Đăng - Tơdroăng ki Lâm Đồng khoh chiâng ai ôh tá xê to môi kơpong ki ôm hyô kân rơdâ tâ. Tơdroăng ki kal luâ tâ kơ mê, cho roh ki preăna ai vâ tí tăng pêi pro apoăng tung tuăn tơchĕng vâ mơnhông. Ôh tá xê to tơdroăng hơ’muăn tối dêi 3 kong pơlê ki ối krê tiah hdrối nah. Ôh ta xê pái inâi ki châ ô eăng ối achê dêi pó. Ing mê, mơjiâng chiâng môi roh hnoăng cheăng prôk, môi tíu ki troh, môi inâi tơdjuôm. Mê xuân cho roh ki vâ gum ăm hên khu mơdró ôm hyô ki pơxiâm vâ pêi pro păng ‘nâng.