VOV4.Xơ Đăng - Kơxo lơ 12/3, a long Lak, pơlê kân Liên Sơn, tơring Lak, kong pơlê Dak Lak, po Rôh tơ’noăng vo plong loăng tơring Lak rôh má 4 hơnăm 2025.

VOV4.Xơ Đăng - Tơring tơkăng kong Buôn Đôn, kong pơlê Dak Lak kô tơkŭm po Têt Bunpimay (Têt Lếo) kân má môi sap nah troh nôkố ƀă mâu tơdroăng ki châ po hơniâp ro.

VOV4.Xơ Đăng - Tung rôh po leh mơdĭng kơphế Buôn Ma Thuột rôh má 9 dế po a Dak Lak, Khu xiâm ngăn Ôm hyô Pơlê kong Kân Đà Nẵng tơkŭm po tơdroăng pơtối po ôm hyô ƀă kĭ tơhrâ tơrŭm cheăng ƀă mâu kong pơlê kơpong Tây Nguyên.

VOV4.Xơ Đăng - A kong măng pơxiâm po Mơđah tơbleăng kơphế Ƀuôn Ma Thuột rôh má 9, hên kơdrâm tơmối tung tơnêi têa ƀă kong têa ê troh ôu ngăn kơphế ƀă châ ngăn châ hmâng mâu ƀai hơdruê xoăng. Kuăn pơlê mâu hdroâng kuăn ngo kong pơlê Dak Lak hâk tơngăm khât xua hiăng châ mơhno khôi túa ki lĕm tro dêi hdroâng kuăn ngo tơná.

VOV4.Xơ Đăng - Kơxo ah, lơ 10/3, Leh tơbleăng kơphế Ƀuôn Ma Thuột roh má 9 kô pơxiâm po ai hên tơdroăng cheăng châ tơkŭm pêi pro, hơniâp ro, mơnguân tơmối rơhêng vâ mot troh lăm ngăn. Mâu hâi pơla kố, mâu tíu ôm hyô ƀă tíu ki pơtê pơto a kong pơlê Dak Lak hiăng pêi pro klêi mâu tơdroăng cheăng, hbrâ vâ koh tơdah tơmối lăm pôu ngăn, ôm hyô ƀă châ pêi pro mâu tơdroăng tung mê.

VOV4.Xơ Đăng - Maluâ hiăng ai hên hnoăng cheăng ki kơhnâ khât tung ‘mâi mơnhông túa rêh ối dêi tơpuâ rui hngêi, la túa ki ăm tơmối troh ôm hyô ‘na rui a Dak Lak xuân u ối trâm hên tơdroăng ki pơloăng mơnúa kal athế ai troăng hơlâ vâ ‘mâi rơnêu vâ tơniăn ăm tơdroăng ki mơnhông krá tơniăn.

VOV4.Xơ Đăng - Ki pơ’lêh dế hlo a hên pơlê cheăm, cheăng pro tơmeăm ƀă tơnêi hneăn dêi mơngế Chăm a kong pơlê Bình Thuật. Tơdroăng kố khoh ai kơnôm ing tơdroăng tơmâng tŏng gum ngăn khât dêi Đảng ƀă Tơnêi têa, ƀă ing tơdroăng kơdo mơ -eăm dêi mâu vâi krâ tung pơlê, tung mê ai ngê̆ nhân Lương Thị Hòa, ối a thôn Bình Tiến, cheăm Phan Hiệp, tơring Bắc Bình. Mơhé tơdroăng cheăng kâ dêi rơpŏng hngêi ối trâm hên xơpá la jâ Hòa hâk vâ khât ƀă tơdroăng cheăng meăn tơmeăm ƀă tơnêi hneăn tiô khôi túa jâ pôa roh nah hnê chôu ăm.

VOV4.Xơ Đăng - Kơxo lơ 7/3, a Tíu ‘măn rak tơmeăm Dak Lak, Vi ƀan hnê ngăn kong pơlê Dak Lak tơkŭm pơxiâm po Mơđah tơbleăng “Dak Lak - 50 hơnăm mơjiâng ƀă mơnhông tơtêk”.

VOV4.Xơ Đăng - Tung mâu hâi ki kố, tơdroăng hbrâ po Leh tơbleăng kơphế Buôn Ma Thuột rôh má 9 dế châ kong pơlê Dak Lak thâ pêi vâ rĕng tơbleăng.

VOV4.Xơ Đăng  - Kơxo lơ 5/3, Khu ngăn vâi kơdrâi Việt Nam kong pơlê Dak Lak tơkŭm po tơdroăng Trâm mâ khế 3, rơtế mơđah xâp ếo xŏn ƀă prôk a kơpong um meăn ƀlêi trâng Ƀuôn Ma Thuột.