VOV.Xơ Đăng - Mơngế K’Ho a peăng Hdroh Tây Nguyên ai tíu chôu ‘măn khôi túa lĕm tro ki má môi, tung mê, mâu tơdroăng rơhdruê môi tiah reng, loong, tòng bơr, tam pơ̆t, tam pla ƀă hiá hé đi đo ai tung rêm leh hô̆i. Rơtế tơdrá chêng, tơdrá axoâng, tung mâu leh hô̆i, mơngế K’ho ôh tá păng lôi mâu tơdrá hdroâng kuăn ngo.

VOV.Xơ Đăng - Khế 7 hơnăm 2020, Khu xiâm tơkŭm po Hnê hriâm, Khoa hok ƀă Khôi túa lĕm Khu lâp kong têa (UNESCO) hiăng mơnhên Kơdrum reăng hmốu plâi tơnêi Dak Nông cho Kơdrum reăng hmốu lâp plâi tơnêi. Pakĭng ki kơnâ ‘na hmốu plâi tơnêi um pakong plâi tơnêi, ti tăng ‘nâi tơmeăm roh nah, hên hĭn mâu tơmeăm, tíu kố ối rak tơmeăm kơnía khôi túa lĕm tro ki phá tơ-ê dêi pơlê pơla mâu hdroâng mơngế rêh ối a kơpong kân rơdâ M’Nông, tung mê, ai Tíu mơhno khôi túa lĕm tro Chêng koăng Tây Nguyên – Tơmeăm kơnía khôi túa lĕm tro ‘na hiâm mơno teăng mâ dêi kuăn mơngế. Tơdrá dêi tơnêi, tơdrá dêi khôi túa lĕm tro vâi krâ nah hiăng mơjiâng chiâng ‘’Kơpong dêi mâu tơdrá hêng’’ – Kơdrum reăng hmốu plâi tơnêi UNESCO Dak Nông, ki rơhêng vâ tối cho pro ăm tơmối hâk vâ troh ngăn.

VOV.Xơ Đăng = Tung tơdrá rơngê, ting ting Rơđế, mê cho Eirei ki hơniâp ro, chuât xơtó, mê tơdrá Kưt ga mơngối, xŏn, cho rơkong ki vâ tơpui tung dế dêi i hiâm mơno. Hơdruê Kưt cho mâu nâl pơto pơtih, kro hên um méa ki vâ tối mơhno, ƀă ai mâu tơdroăng ki nhên, trâu rơdâ; ki rơhêng vâ tối, kố xuân cho tơdrá ki hơdruê tung ƀai ki rơngê rơngối. Tung pơla hơdruê mê, pơkal ai tíu ki vâ hơdruê, chôu phut, ƀă mâu ngế ki rơkê plĕng, mê hơdruê tơdrá Kưt ga tơ’kêi hlâu tâ tung tơdroăng pơtối rak vế, pơtối mơdêk xua ai tơdroăng ki vâ chiâng pơtối bro tơ’nôm ƀă hên ngế chiâng vâ hơdruê. A mâu pơlê, mâu tíu ki ôm hyô pơlê pơla a kong polê Dak Lak, rơtế ƀă tơdrá Eirei, mâu nâl hơdruê Kưt dêi mơngế Rơđế hiăng pro i hiâm mơno dêi tơmối tơngôu drêng troh pôu ngăn a kong pơlê ki kố.

VOV.Xơ Đăng - Tung mâu leh mơdĭng tiô khôi hmâ dêi hdrông mơngế Jarai ôh tá păng lôi idrâp chêng koăng, idrâp hơkâ ƀă mâu prôa, rơvŏng hlŭm dêi hdrông kuăn ngo tơná. Tơdroăng ki kơhnâ, krâu khât tung hnê tối dêi mâu vâi krâ-nhŏng o ki rơkê rơtế ƀă hiâm mơno ki hâk git, malối ƀă mâu vâi droh rơtăm, vâi phô̆m vâ xông kân a kong pơlê Gia Lai hiăng veăng têk on, séa bâ tơmeăm khoăng tung rak vế, mơđah chêng koăng Tây Nguyên tung tơdroăng rêh ối chal nếo nôkố, tơdjêp ƀă pơlê pơla ƀă pro bâ eăng mâu khôi túa lĕm tro dêi kuăn ngo tơná.

VOV.Xơ Đăng - Kơxê lơ 27/11, a Hngêi Kuô̆k hô̆i hiăng tơkŭm po Hôp Khu hnê mơhno, Khu tơkŭm po Pri Diên Hồng roh má 4 hơnăm 2026.

VOV4.Xơ Đăng - A plông kân Lâm Viên - Đà Lạt, Kơ koan xiâm Khôi túa lĕm tro xiâm rêi, Rơpŏng ƀă Tíu chôu ‘măn kơxop hlá mơ-éa, Khu xiâm Khôi túa lĕm tro, Tơ’noăng ivá ƀă Ôm hyô tơrŭm ƀă Vi ƀan kong pơlê Lâm Đồng tơkŭm po Mơđah tơbleăng um ki kân pơtâng tối Hneăng hôp kăn teăng mâ lâp tơnêi têa roh má XIV dêi Đảng.

VOV.Xơ Đăng - Rơhdruê cho tơdroăng ki ai hên tung tơdroăng rêh ối hiêm mơno dêi kuăn pơlê mâu hdroâng kuăn ngo Tây Nguyên, tung mê ai kuăn pơlê hdroâng kuăn ngo Rơteăng. Vâi krâ kuăn pơlê ai hên khôi túa lĕm tro ƀă mâu khu ngê̆ thuât, ing rơhdruê, rơngê, ting ting, rơhdruê xoâng troh tôu mâu chêng koăng, klông pal, klong put, prôa tơnĭng hdroâng kuăn ngo, rơhdruê tŭm tơdroăng. Rơkong rơhdruê châ rơhdruê drêng lăm a chiâk deăng, tung leh hô̆i, pơkoăng, drêng lông vâi hdrêng koi lơ drêng droh rơtăm thông dêi pó...Tung troăng prôk ôm hyô ti tăng plĕng kơpong tơnêi ƀă kuăn mơngế Tây Nguyên, tơmối ai roh tơ’lêi châ tơmâng mâu tơdroăng rơhdruê, rơngêi, ting ting jế rơmuô̆n ƀă trâu ối tung mơno dêi mơngế Rơteăng.

VOV.Xơ Đăng - Tung môi rơxông dêi mơngế Bơhnéa hmâ ƀă tơdroăng ki rơkâu xối tiô chal krâ, tối ki tơrŭm pơla kuăn mơngế, jâ pôa ƀă pơlê pơla. Drêng ngế hdrêng mê nếo kot mâ mê pro “Rơkâu xối kơtê klo” koh tơdah, dó inâi mơngế hdrêng ki nếo kot mâ, rơkâu ăm ivá ga mo sêi, têi ‘răng ƀă tơdroăng ki châ rêh ối tơniăn lĕm. Troh drêng hlâ ah, lăm ‘mế, mê nếo pro tơnâp châ tơkŭm po kân krip.

VOV.Xơ Đăng - Tôu chêng koăng cho khôi túa lĕm tro tiô khôi vâi krâ nah ki má môi dêi kuăn pơlê mâu hdroâng kuăn ngo a Tây Nguyên. Ƀă hdrông mơngế K’Ho a kong pơlê Lâm Đồng, hdrối nah, tơdroăng tôu chêng koăng hmâ xua mơngế kơnốu tôu. Laga, mâu hơnăm achê kố, troăng tơmiât kố hiăng chôa pơhlêh, ƀă hiăng ai mâu khu chêng mơngế kơdrâi tôu châ mơjiâng, ôh tá xê to rak tơmeăm ki kơnía chêng koăng, mê ối mơjiâng tơ’nôm ki lĕm nếo ăm tơdroăng mơhno khôi túa lĕm tro, ƀă pro tơmối hâk vâ troh ƀă kơpong ôm hyô Lâm Đồng.

VOV.Xơ Đăng - UBND kong pơlê Dak Lak nếo tơkŭm po Rôh hôp Mơgêi 20 hơnăm hnoăng cheăng rak vế ƀă mơnhông tơmeăm túa lĕm tro chêng koăng (2005–2025), pơkâ pêi troh hơnăm 2030.