VOV.Xơ Đăng - Pakĭng kroăng Cái, pơlê Quảng Đức (kong pơlê Dak Lak) xuân ối ‘măn rak tơdroăng ki lĕm tro ton nah dêi môi tơdroăng cheăng pêi meăn pro tơmeăm ƀă tơnêi hneăn ối rak luâ hên rơxông, hên chal. Mâu tíu pro ‘măn tơmeăm meăn, plông têng, mâu tơmeăm ki meăn pro ing tơnêi hneăn xuân ối rak vế ‘măn krâu tung mâu rơpŏng hngêi malối pro ki pik ăm chí mliâk lĕm a ngâ tơmeăm rơtế pro ƀă kơtôu akrot, mâu kơtôu uâng lâ hiăng mơhno môi tơmeăm meăn ƀă tơnêi hneăn ki lĕm krê xêh dêi kơpong Phú Yên ton nah. Tơdroăng cheăng meăn pro tơmeăm ƀă tơnêi hneăn nôkố hiăng piu lôi, hên kih thuât ôh pá ối rak vế vâ hnê ăm mâu rơxông nếo, la tơdroăng hơ’muăn ‘na môi pơlê ki hmâ rêh ối plâ rơxông cho tơdroăng hmâ tê mơdró dêi kuăn pơlê kơpong Tơdế tơnêi têa xuân ối rak ki kơnía lĕm tro rôh ton nah.

VOV.Xơ Đăng - Tung rôh Leh tơbleăng Sầu riêng, mâu hâi hdrối kố nah, a tíu Tơbleăng um tơmeăm Dak Lak, po mơđah hơdruê xuăng ngăn “Hngêi trá show”. Tơdroăng mê tơbâ tơdroăng rêh ối túa lĕm tro ton nah dêi mơngế Rơđế ƀă tơdroăng mơđah a plông mơhno ăm hlo, tơdjêp mơđah ƀă kong ngê̆ nôkố ăm tơmối ngăn.

VOV.Xơ Đăng - Hvái ngăn Hơnăm ôm hyô Tơnêi têa - Gia Lai 2026, a kong pơlê Gia Lai po mâu Tơmối lâp plâi tơnêi, vâ rĕng châ tơ’mot hên tơmối ing kong têa ê troh Viêt Nam ƀă mâu tơmeăm ôm hyô ki nếo. Tíu ki vâ tối dêi tơdroăng mê cho po Hâi leh mâu tơmối troh Việt Nam rôh má II xua Khu ngăn Ôm hyô Việt Nam tơkŭm po, tơ’mot hên hrĭng khu mơdró lâp plâi tơnêi troh lăm tăng, tơdjêp tơmeăm ôm hyô.

VOV.Xơ Đăng - Sap apoăng hơnăm kố, kong pơlê Dak Lak tơdah dâng 7 rơtuh 300 rơpâu ngế tơnối, tâk lối 36% tâng vâ pơchông ƀă hơnăm hdrối.

VOV.Xơ Đăng - Kong măng lơ 17/8, a Tíu ‘măn rak tơmeăm Dak Lak, tung rôh po mơđah tơbleăng Sầu riêng Dak Lak hơnăm 2026, Khu ngăn túa lĕm tro, Tơ’noăng Ivá ƀă Ôm hyô kong pơlê tơbleăng tơdroăng ngê̆ thuât ăm lăm ngăn “Hngêi trá show”.

VOV.Xơ Đăng - A tíu mơđah tơbleăng Um meăn ‘’Khên tơnôu hlâ rêh ăm Tơnêi têa khŏm thế rêh vâ mơnhông tơnêi têa’’ ƀă kơphô̆ Đinh Tiên Hoàng, Kŏng an Pơlê kong kân Hà Nội tơrŭm ƀă Hngêi rơhdruê pro pơro Hà Nội ƀă Hngêi rơhdruê a xuăng xah rêi prôa Tơnêi têa Việt Nam tơkŭm po tơdroăng ngê̆ thuât kal kí pơlê pơla ‘’81 hơnăm tơniăn lĕm’’.

VOV.Xơ Đăng - A leh tơbleăng kế kâ Sầu riêng Dak Lak hơnăm 2026, 102 túa kế kâ tơkŭm ƀă sầu riêng hlối châ mơnhên ối má mối Việt Nam.

VOV.Xơ Đăng - Ing mâu kế tơmeăm ki tiah hmâ trâm, hmâ hlo, trối kơnoh on, hdréa, pong, chêa, plôi têa, mâu alâi ki răng têng a drá peăng ƀă hên hĕng mâu tơmeăm ki ê dêi mơngế Jarai hiăng châ vêh mơhno tơbleăng ƀă hiăng chiâng tơdroăng ki hơ’muăn túa lĕm tro tung tíu ki nếo, mê cho tung trang măng xah hô̆i, internet. Xuân ing hơpiâp on ki mê, nâ Ksor H’Liên, ối a pơlê Ó, cheăm Ia Hrung, kong pơlê Gia Lai hiăng tối tơbleăng mâu kế kâ ki tiah hmâ dêi hdrông kuăn ngo tơná troh ƀă hên ngế, ƀă chôa ‘lâng ai tơ’nôm liăn ngân ing mâu tơdroăng ki tối tơbleăng ‘na kế kâ mê.

VOV. Xơ Đăng - Thôt Pô Sah Inư cho tơmeăm khoăng mơjiâng pro tiô túa dêi kuăn ngo Chăm chal krâ nah ƀă hiăng châ lối hrĭng hơnăm, a tơbăng ngo Bà Nài, bêng Phú Thủy, kong pơlê Lâm Đồng. Ƀă mâu tơmeăm khoăng kơnía ton nah ƀă túa lĕm tro tơviah, tíu tơbâ mê sap ing nah hiăng tơ’mot hên khu tơmối tung tơnêi têa ƀă kong têa ê troh lăm ngăn.

VOV.Xơ Đăng - Ôh ta xê to tơbleăng mâu tíu vâ ngăn ƀă tơdroăng tối tơbleăng, hlá tơbeăng iâ hâi, mê kong pơlê Gia Lai dế rah xo túa ki nếo: vâ mơhno tơdrêng tung um tơvi, tung roh đŏng phim ƀă mâu rôh po hơdruê xuăng tung mâu hâi leh kân, mơhno ăm tơmối ki ngăn hlo ‘nâi tơdroăng hơ‘muăn ‘na kơpong tơnêi ki krip lĕm mê. Amê, kuăn pơlê chiâng mơnúa ngăn, vâ kơ châ ‘nâi rêm rôh mơđah, um méa Gia Lai pơtối châ tơbleăng troh lâp lu ƀă mâu tơdroăng ki mâ hlo, tuăn hmâng dêi tơmối.