VOV.Xơ Đăng - Kơmăng lơ 19/7, Festival Têa kơxĭ Khánh Hòa 2026 păng ‘nâng hiăng mơgêi klêi pái hâi po kơdrâm phiu ro ƀă hên tơdroăng mơhno khôi túa lĕm tro, ngê̆ thuât, tơ’noăng ivá ƀă ôm hyô ki má môi. Châ tơƀrê dêi tơdroăng ki kal ôh tá xê mơđah tơbleăng um méa Khánh Hòa klêi kơ’nâi tơmot chiâng môi mê ối po hên rôh tơ’lêi hlâu tơrŭm cheăng, mơjiâng xiâm rêi vâ kong pơlê mơđah tơbleăng mâu tơdroăng ki kal lâp plâi tơnêi tung la ngiâ. Tơdroăng pơkâ “Tơdroăng hơ’muăn tơdroăng nếo ai” kơxê kố kô tối ‘na Leh mơgêi Festival Têa Kơxĭ Khánh Hòa 2026 kố.

VOV.Xơ Đăng - A Festival Têa kơxĭ hơnăm 2026, kong pơlê Khánh Hoà hiăng mơjiâng kêi Hlá mơ-éa tung măng internet ‘na ôm hyô kong pơlê Khánh Hoà. Tơdroăng ki mơjiâng pro ƀă kŏng ngê̆ 3D, lơgât tung măng ƀă ai hên mâu tơdroăng ki vâ tơ’lêi hlâu, tơveăng gum pơhlêh nếo ăm tơdroăng tối tơbleăng, mơhno mơđah, vâ thăm rế mơnhông kơvâ ôm hyô ƀă hnối thăm mơdêk xúa pêi cheăng tung măng internet dêi kơvâ ngăn’na ôm hyô.

VOV.Xơ Đăng - Tung kong kế, ngo ngối Tây Nguyên, mơngế Rơteăng hiăng hmâ pế pơchên mâu kơchâi kâ ki kơhiâm păng ‘nâng ing mâu tơmeăm ki tro tiô krôk ki tâ kơhiâm ó khât. Ing rơmôe priât kong mê, kơnôm ai ing kơpeăng kŏng ki rơkê, ƀĕng, ƀeăn dêi vâi kơdrâi Rơteăng, ing mê hiăng chiâng kế kâ ki hơ-iâ, kơhiâm, xú lĕm, hnối tơdjêp ƀă mâu túa cheăng dêi rêm rơxông kuăn mơngế. Pó vâi krâ-nhŏng o mơnúa tế kâ ngăn tơpoăng ki pế ƀă rơmôe kơbâng priât kong dêi mơngế Rơteăng, vâ ‘nâi nhên kế kâ dêi kong kế, ngo ngối ƀă tuăn mơno dêi mơngế Tây Nguyên.

VOV.Xơ Đăng - Báu Nôu cho hdrê báu ki hmâ xúa ing nah dêi kuăn ngo K’Ho, Raglai a kong ngo cheăm Phan Sơn, kong pơlê Lâm Đồng (Kơpong tơring Bắc Bình, kong pơlê Bình Thuận ton), hmâ ƀă tơdroăng rêh ối ‘na loi tĭng dêi kuăn pơlê sap ing nah. Nôkố hdrê báu ki kố hiăng châ pơtối tơbâ ƀă châ mơdâ pêt nếo tiô pơkâ rak hưh cơ vâ mơnhông cheăng kâ krá ton.

VOV.Xơ Đăng - Tâng Khánh Hòa hơniâp ro ƀă Festival Têa kơxĭ, mê a Mũi Né, kong pơlê Lâm Đồng, hơniâp ro ăm tơmối xua ki lĕm tơviah dêi tơdroăng rêh ối. Sap ing kơxo má troh drêng mâi hâi hiăng tôu a têa kơxĭ, túa rêh ối pêi cheăng tơbréa la hơniâp hiăng pro chiâng môi tơdroăng ki krê dêi pơlê tơnăng ká xi xŏng Mũi Né – môi tíu troh ki hơniâp ro ôh tá xê to xua lĕm dêi tơnêi tơníu mê ối xua ing mâu tơdroăng ki kơnía dêi túa lĕm tro dêi kuăn pơlê tơnăng ká xi xŏng a kĭng têa kơxĭ.

VOV.Xơ Đăng - Mâu hâi kố, a mâu cheăm, bêng a kong pơlê Khánh Hòa dế kơdrâm phiu ro Festival Têa kơxĭ 2026. Klêi môi hơnăm tơmot chiâng môi, ôm hyô Khánh Hòa dế ai mâu tơdroăng pơhlêh ki hôm drêng ôh tá mơnhông po rơdâ, ki kơnâ khôi túa lĕm tro châ mơnhông mơdêk, mâu tíu troh rế hía rế mơhnhôk tơmối.

VOV.Xơ Đăng - Hâi kố, lơ 18/7, a Tíu chôu ‘măn tơmeăm khoăng rôh nah  Dak Lak tơkŭm po tơdroăng nghê̆ thuât mơđah tơbleăng chêng koăng vâ ăm kuăn pơlê ƀă tơmối ngăn. Ki lĕm má môi dêi tơdroăng cho vêh mơhno tơdroăng tơdah xo dôh tung pơkoăng dêi hdrông kuăn ngo Rơđế. Kố cho khôi túa lĕm tro vâi krâ nah mơhno inhên tơdroăng ki kơjôi tiô ‘na nôi tung xo on veăng dêi hdrông kuăn ngo Rơđế.

VOV.Xơ Đăng -  Bu ối iâ hâi vâ po Festival Têa kơxĭ Khánh Hòa 2026, hâi lơ 14/7, Khu ngăn Túa lĕm tro, Tơ’noăng ivá ƀă Ôm hyô kong pơlê Khánh Hòa kĭ tơkêa tơrŭm cheăng ƀă Grab Việt Nam tơbleăng troăng hơlâ pơhlêh xúa kong ngê̆ kơxô̆ ôm hyô pơla hơnăm 2026 – 2030. Tơdroăng ki xiâm dêi rôh po tơdroăng kố cho mơjiâng pro tơdroăng “Lơgât Khánh Hòa Athế Mơnúa” tung ứng dụng Grab, gum tơmối tơ’lêi châ to troh mâu tíu ngăn, ƀă tíu tê kế kâ xiâm dêi kong pơlê.

VOV.Xơ Đăng - Xông tơpui a hnê mơhno a Roh hôp má 2 Khu hnê mơhno Tơnêi têa ‘na mơnhông khôi túa lĕm tro Việt Nam, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa môi xôh nếo tối rơdêi ki kal hnê mơhno, pơkâ pêi, tơmiât pêi la ngiâ ƀă tơdroăng pói vâ mơnhông hiăng châ mơnhên inhên tung Tơdroăng pơkâ kơxô̆ 80 dêi Khu xiâm kal kí.

VOV.Xơ Đăng - Mơ’nui măng tĭng hdrối, Khu pơkuâ khôi túa lĕm tro, Tơ’noăng ivá ƀă Ôm hyô kong pơlê Dak Lak tơrŭm ƀă Vi ƀan cheăm Ea Phê pơxiâm po lâm hnê tôu chêng koăng ƀă kơhnhon xuăng hdrông kuăn ngo Rơđế. Kố cho lâm hnê má pái châ pêi pro tung rôh kố, gum djâ mâu troăng hơlâ rak vế tơmeăm kơnía git chêng koăng tung tơdroăng nôkố a pơlê pơla.