VOV.Xơ Đăng – Ô vâi krâ-nhŏng o ƀă pú hmâ! Ing idrâp chêng koăng ki chuât pu hung pu hung tung dế kơphô̆ kong ngo Pleiku, kong pơlê Gia Lai, mâu vâi droh kơ’nhon xuăng rơmuăn lĕm, vó drôu hiăng tâ ki xú pơ-ou ƀă mâu túa rơkâu xối tiô khôi hmâ dêi mơngế Jarai hiăng tơmot dêi pó khâp chiâng môi um méa mơhno tối ‘na túa lĕm tro dêi Tây Nguyên ki kro mơdrŏng hên mơngiơk, hên túa tơlá. Tơdroăng “Chêng koăng mơ’nui măng tĭng-Châ hlo ngăn ƀă Hlê plĕng” ôh tá xê to pơtroh ăm pin mâu mơngiơk dêi leh mơdĭng ki hơniâp ro, lĕm tro mê ối chiâng tíu ki tơdjêp vâ khu tơmối châ lăm troh ngăn, ‘nâi nhên ƀă rơtế rak vế túa tôu chêng tôu koăng a Tây Nguyên.

VOV.Xơ Đăng - Tung dế ngo Đồng Bò, peăng mâ hâi luô peăng hdroh Nha Trang, kong pơlê Khánh Hòa, ai môi kơpong tơbâ Pôa Hồ Chí Minh, Kăn xiâm hnê ngăn tơnêi têa hneăng apoăng kân rơdâ lối 2.000m2  xua môi ngế mô đô̆i hneăng hdrối nah mơjiâng môi ngế xêh plâ pái chât hơnăm. Ƀă Pôa Bùi Xuân Phước, tơdroăng pro tíu koh tơbâ Pôa Hồ ôh tá xê to tơdroăng ki pói vâ dêi môi ngế lêng, mê ối cho troăng ki tơbâ dêi tơná plâ rơxông hriâm tâp, pêi pro tiô troăng tơdjâ, ihiâm mơno, túa rêh ối, troăng pêi cheăng dêi Pôa Hồ.

VOV.Xơ Đăng - A bêng Ƀuôn Ma Thuột, kong pơlê Dak Lak tơkŭm po hôp tơpui tơno tơmâng xo rơkong tơpui Tơdroăng tơkêa bro mơnhông ôm hyô hneăng hơnăm 2026 – 2030, tơmiât pêi troh hơnăm 2050.

VOV.Xơ Đăng - Vi ƀan kong pơlê Dak Lak nếo kĭ Tơdroăng tơkêa bro tơkŭm po Leh tơbleăng Sầu riêng Dak Lak hơnăm 2026 ƀă dó inâi ‘’Sầu riêng Dak Lak – tơdjêp troh hơngế’’.

VOV.Xơ Đăng - Sap hâi lơ 17 troh lơ 19/7 kô tơkŭm po Festival Têa kơxĭ Khánh Hòa 2026 ƀă dó inâi ‘’Mơngiơk têa kơxĭ – Mơnhông râ lâp plâi tơnêi’’.

VOV.Xơ Đăng - A Đà Lạt, Khu pơkuâ tơdroăng Khôp Phop Việt Nam kong pơlê Lâm Đồng tơrŭm ƀă Khu pơkuâ khôi túa lĕm tro Tơnêi têa Khu pơkuâ Khôp Phop Việt Nam pơxiâm po tơdroăng ki kal koh phiu ro Tĭng kân Phật đản Phật lĭch 2570 – Yương lĭch hơnăm 2026.

VOV.Xơ Đăng - Tung rơxông rêh ối chal nếo, mơngế Rơđế a cheăm Krông Năng, kong pơlê Dak Lak xuân ối rak vế khôi túa “tah ki xú ŭm” klêi kơ’nâi ‘mế kiâ ngăn mê cho khôi túa ki tiah hmâ dêi vâi krâ roh nah. Tâi tâng pơlê rơtế dêi pó hum, jíu ƀă lăm tăng gui ká ôh ta xê to vâ pro mơgrúa ăm to dêi châ chăn klêi kơ’nâi ‘mế kiâ, mê ối cho khôi túa ki vâ mơhnhôk mơngế ki rêh tơkâ luâ mâu tơdroăng ki sĭng khéa, hơ’nêng hơ’no, kơdo mơ-eăm mơnhông tơdroăng rêh ối tơniăn lĕm, tơrŭm tung pơlê pơla.

VOV.Xơ Đăng - A Lâm Đồng, mâu idrâp chêng koăng, mơngiơk ếo pơtâk, túa kơhnhon xoăng chal krâ ƀă túa rêh ối khôi hmâ dêi hdrông kuăn ngo K’Ho, Mạ, Chu Ru, M’Nông, Chăm ƀă hên mâu hdrông kuăn ngo ki ê xuân dế ối châ tơrŭm túa rơrêk tung rêh ối tiah hmâ. Mơngiơk túa lĕm tro dế ối châ rak sap ing pơlê cheăm, chiâk deăng troh ôm hyô pơlê pơla.

VOV.Xơ Đăng - Klăng tơbâ 135 hơnăm Hâi kot mâ Pôa Hồ Chí Minh - Kăn xiâm hnê ngăn tơnêi têa ki apoăng, pơla hdrối kố nah, Khu hnê ngăn ‘na Văn hok Ngê̆ thuâ̆t kong pơlê Dak Lak tơrŭm ƀă Trung đoân Kăn sát cơ động Tây Nguyên ƀă Phân hiệu Hngêi trung Đại học Luật Hà Nội a Dak Lak tơkŭm po tơpui tơno “Mâu hlá mơ-éa chêh tối ‘na Pôa Hồ chí Minh, Kăn xiâm hnê ngăn tơnêi têa ki apoăng ƀă púi vâ dêi hơnăm ối nếo”.

VOV.Xơ Đăng –  Klăng leh tơbâ 136 hơnăm Hâi kot mâ Pôa Hồ Chí Minh, Kăn xiâm hnê ngăn tơnêi têa hneăng apoăng, kơmăng hnah, lơ 19.5, a Tíu xiâm ngê̆ thuât Âu Cơ (Hà Nội), Hlá tơbeăng Văn Hóa tơrŭm ƀă mâu tíu cheăng ki tơdjâk tơkŭm po ngê̆ thuât tơpui ‘na kal kí pơlê pơla ‘’Eăng troh tá ah inâi Pôa Hồ’’.