VOV.Xơ Đăng - A Tíu ‘măn tơmeăm khoăng ton nah kong pơlê Gia Lai dế po rôh mơđah tơbleăng um ai inâi “Gia Lai – Sap ing kong ngo troh têa kơxĭ ngiât”, pêi pro tơbâ 136 hơnăm Hâi kot mâ Pôa Hồ Chí Ming ƀă Hâi Lâp plâi tơnêi ‘Măn rak tơmeăm khoăng.

VOV.Xơ Đăng – Tung chal xúa kơxô̆, cheăng pơchuât mơ-éa ‘na Pôa ôh ti xê pro ăm mâu rơxông hơnăm ối nếo hlê tơ’nôm ‘na tơdroăng ton nah dêi hdrông mơngế mê ối veăng gum bro tơbêng túa rêh ối ƀă hnoăng cheăng pôu râng ƀă pơlê pơla”.  

VOV.Xơ Đăng - Gia Lai pêi pro kơtăng khât tơdroăng rak vế tơniăn, thăm mơdêk ki lĕm tro tâ tung pơkuâ rak ngăn mâu kơno têa kơxĭ hum ƀă kơpong ôm hyô a têa kơxĭ, tung pơla kơxô̆ tơmối troh lăm ôm hyô akố rế hía rế tâk ó rơdêi a rơnó tô mơdrăng hơnăm kố. Ing tơdroăng ki thăm mơdêk ‘na lăm gak ngăn, séa ngăn, mơnhên ngăn ta troh a pơcháu, xing xoăng mơngế ki tơveăng gum drêng lơ trâm xâu xía, vâi ki mê pêi cheăng plâ hâi plâ măng, mâu cheăm, bêng dế kơdo mơ-eăm kring vế tơniăn ăm tơmối troh a Gia Lai ai roh pơtê ki hơniâp ro, tơniăn lĕm.

VOV.Xơ Đăng - Ƀă mơngế Rơđế, hngêi trá xŏn ôh tá xê to tíu ki vâ mot rêh ối mê ối cho tíu xiâm ki mơnhông tơdroăng rêh kâ ối túa lĕm tro, ‘na tơdroăng loi tĭng. Drêng môi toăng hngêi nếo klêi kơ’nâi châ mơdâng, mê túa rơkâu xối to hngêi nếo châ pêi pro trối tơdroăng ki mơnhên ‘na tơnêi tíu rêh ối nếo, pêi pro tơdrêng ƀă tuăn loi tơngah ƀă pói rơhêng vâ ‘na môi tơdroăng rêh ối krá tơniăn dêi rơpŏng hngêi, hdrông hdrê.

VOV.Xơ Đăng – Tung mâu hâi ki kố, a tíu mơđah um kong pơlê Dak Lak dế po mơđah um, trâm mâ pơla Việt Nam ƀă Hàn Quốc. Tơdroăng mê xua Khu xiâm ngăn ‘na xup up um Việt Nam tơrŭm ƀă Khu xiâm ngăn ‘na xup um Hàn Quốc ƀă Khu ngăn ‘na Văn hok ngê̆ thuâ̆t kong pơlê Dak Lak tơkŭm po.

VOV.Xơ Đăng - Hâi lơ 12/5, a Tíu chôu ‘măn tơmeăm khoăng roh ton nah kong pơlê Dak Lak, Khu ngê̆ sih Xup um Việt Nam tơrŭm ƀă Khu râ kăn xup um Hàn Quốc ƀă Khu pơkuâ Văn hok Ngê̆ thuât kong pơlê Dak Lak tơkŭm po pơxiâm po mơđah tơbleăng um nhŏng o Việt Nam – Hàn Quốc.

VOV.Xơ Đăng - Kơxê lơ 11/5, Festival Kơtú ƀa long Lâp plâi tơnêi U14 Gia Lai 2026 păng ‘nâng po a plông kơtu ƀa long Pleiku Arena, kong pơlê Gia Lai ƀă tơdroăng ki veăng tơ’noăng dêi 12 khu kơtú ƀa long tung tơnêi têa ƀă kong têa ê.

VOV.Xơ Đăng - Hlo tơdroăng tơxup tơbriât rế hía rế ó pơla mâu tíu troh ôm hyô ƀă tung pơla tơraih tơƀai Liên Khương pơtê pơtân klĭng péa vâ ‘mêng rơnêu, kong pơlê Lâm Đồng mơnhên 6 tơdroăng cheăng ki kal vâ mơdêk ivá tơxup tơbriât tơ’mot tơmối.

VOV.Xơ Đăng - Tơdroăng hơ’muăn “Apía Xeăng Phái” – cho vâ hơ’muăn tối ‘na môi ngế droh lĕm, hlối lĕm tá hiâm mơno, đi đo tơmiêt vâ kum mâu ki ê mê thăm rế hên ngế kuăn pơlê pâ nhoăm. Tơdroăng hơ’muăn mê vâ hnê tối ăm pin ƀai hriâm ‘na ‘nâi tơrŭm môi tuăn dêi rơpó, veăng kum dêi rơpó tung rêh ối vâ tơdroăng rêh ối rế lĕm tâ.

VOV.Xơ Đăng - Hiăng chiâng tiah hmâ, troh hâi lơ 21 khế 3 âm lĭt rêm hơnăm, kuăn pơlê lâp lu vêh a Thôt Nhạn vâ po leh, pleăng tơmeăm ăm Thiên Y Thánh Mẫu tung mơdĭng Vía Bà, khôp pâ ăm tơnêi têa tơniăn, mêi tro tô ‘ló, rơpŏng hơtô, mo sêi têi ‘răng ƀă hiâm mơno mơnâ jâ nôu kơpong Thiên Y Thánh Mẫu. Mơdĭng Vía Bà cho mơhno tơdroăng ro tơniâ dêi tơdroăng loi tĭng kôh Mẫu dêi kuăn pơlê châ rah sap ing nah troh nôkố.