VOV.Xơ Đăng - Klêi kơ’nâi pơxiâm po tơdroăng mơhnhôk ôm hyô hơnăm 2026 ƀă dó inâi “Dak Lak – Vêh a kơpong ai tơmeăm kơnía’’, môi um ki lĕm mơhno dêi tơdroăng rêh ối, hên mơngiơk hiăng chôa ‘lâng hlo a tơnêi kố - tíu kơpong kân rơdâ Tây Nguyên kân krip tơkoh rơtế ƀă kong tơbăng achê têa kơxĭ Tơdế Tơnêi têa. Ing tơdrá rêh ối khôi túa lĕm tro vâi krâ nah troh mâu tơdroăng ki châ tâ, châ hlo, tâi tâng dế mơjiâng ivá rơdêi krê, djâ Dak Lak chiâng tíu troh lĕm, pro chôu vế troăng prôk châ hlo pêng păm tơdroăng ki hâk ro ăm tơmối tung tơnêi têa ƀă kong têa ê.

VOV.Xơ Đăng - A bêng Tuy Hòa, Khu ngăn ‘na Túa lĕm tro, Tơ’noăng Ivá ƀă Ôm hyô kong pơlê Dak Lak nếo tơkŭm po Roh hôp mơnhên tơdroăng châ tơƀrê tơdroăng séa ngăn ôm hyô. Kố cho môi tung mâu tơdroăng pêi dêi kong pơlê tung tơdroăng mơ-eăm mơjiâng inâi ‘’Dak Lak – Vêh a kơpong ai tơmeăm kơnía’’ chiâng tíu ki má môi tung tơnêi têa ƀă lâp plâi tơnêi.

VOV.Xơ Đăng - Vi ƀan hnê ngăn kong pơlê Lâm Đồng nếo kĭ 15 inâi kế tơmeăm túa lĕm tro, mê cho 9 túa tơmeăm kơpong têa kơxĭ ƀă 6 tơmeăm kơpong kong ngo.

VOV.Xơ Đăng - Tung 3 khế apoăng hơnăm 2026, kong pơlê Gia Lai hiăng tơdah lối 4,2 rơtuh ngế tơmối, tâk 14% tâng vâ pơchông ƀă hơnăm 2025.

VOV.Xơ Đăng - Ing tuăn mơno ki hâk git ƀă púi rơhêng vâ pơtối rak vế dêi khôi túa, vêa vong kuăn ngo, nâ H’Loang Mlô (hdrông Rơđế, ối a bêng Buôn Ma Thuột, kong pơlê Dak Lak) hiăng rah xo túa cheăng pêi, cho teăn jiâ, rơmoăng ki vâ mơjiâng cheăng pêi hnối mơnhông pleăng dêi hnoăng tơná. Ti xê to mơjiâng túa ki nếo ăm mâu jiâ rơmoăng tiô khôi hmâ la teăn mơjiâng, pơchoh chêp tiô túa ki nếo, mê ối chôa ‘lâng mơnhông tơdroăng cheăng pêi, rêh kâ ối ăm hên vâi nâ o tung pơlê cheăm.

VOV.Xơ Đăng - Tĭng Kareh-Katal cho môi tung mâu túa ki mơdĭng plâ rơxông rêh dêi kuăn mơngế, xuân ối châ hdrông mơngế Chăm ki tiô tơdroăng khôp Islam Bà Ni a kong pơlê Khánh Hoà ƀă Lâm Đồng rak vế. Túa mơdĭng ki kố, ôh tá xê to tối pơtâng troh ăm mơhúa jâ nôa tung hdrông hdrê hiăng ai thăm môi ngế ki hiăng xông kân hdrah, tơdrêng amê, xuân hiăng chiâng môi ngế ki loi tĭng tiô khôp Islam.

VOV.Xơ Đăng - Tung pơla xup um, kế tơmeăm ngê̆ thuât “Mơhno lĕm ro ‘na rêh ối” mâu hdrông kuăn ngo Việt Nam, a Plông kân lơ 10 khế 3, bêng Ƀuôn Ma Thuột, kong pơlê Dak Lak hiăng po roh tơpui tơno ‘na tơdroăng ki Pro Rơhú vâ xup xo ‘na mơngiơk dêi mâu hdrông mơngế Việt Nam. Tơdroăng cheăng kố hiăng tơ’mot hên khu ngê̆ sih ki xup um rơtế ƀă kơdrâm kơdrĕng kuăn pơlê ki hâk rơhêng vâ châ ngăn, châ hlo ‘na nghê̆ thuât.

VOV.Xơ Đăng - Tung tơdroăng lăm tăng ngăn vâ ’nâi kơpong têa kơxĭ peăng mâ hâi Lo Dak Lak, Hòn Yến cho môi tíu lăm troh ki lĕm krip xua kong kế tơviah krê. Ngo a têa kơxĭ ƀă kô chiâng prôk chêng troh a chêng ngo tung rơnó têa xiâ. A ngo Hòn Yến ai hên hĭn mâu nhâ loăng, kuăn kiâ; pá kơdâm têa kơxĭ rơtâ tâ ai hên mâu nhâ têa kơxĭ lĕm krip phá tơ-ê. Ôh tá xê to lĕm mơnâ ngăn mâu kong kế, loăng, têa, mê Hòn Yến ối tơ’mot hên tơmối troh ôm hyô ki hmâ achê kuăn pơlê a tíu kố.

VOV.Xơ Đăng - Tiô pôa Phạm Mạnh Hùng, Phŏ kăn pơkuâ Rơ’jiu Việt Nam, tơdroăng ki kal dêi Rôh tơ’noăng hơnăm kố cho rôh apoăng tơkŭm po hôp tơpui tơno lâp plâi tơnêi podcast, tơkŭm 35 ngế ki rơkê ƀă hên khu ngế ki rơkê kong têa ê.

VOV.Xơ Đăng - Tung dế kong kế ngo ngo Tây Ngyên, tíu kơpong tíu tơkăng kong cheăm Quảng Trực, kong pơlê Lâm Đồng, méluâ ối trâm hên xahpá, idrâp chêng dêi mơngế M’Nông xuân ối chuât xơtó rêm kơmăng a mơ’nui măng tĭng. Chêng a tíu kố hiăng chiâng tơdroăng ki tơdjêp, tơrŭm ƀă pơlê pơla, veăng gum rak vế khôi túa, vêa vong túa lĕm tro ƀă lân lĕng i hiâm mơno tơrŭm tung mâu tơdroăng ki kal dêi pơlê cheăm ƀă tơnêi têa.