VOV4.Xơ Đăng - Tung mâu hâi mơnui hơnăm 2024 kố nah, lâp pơlê kơpong kong ngo A Lưới, kong pơlê Thừa Thiên Huế, kuăn pơlê kuăn ngo Pa Cô, Tà Ôi hơniâp ro tơkŭm po mơdĭng Aza. Hâi mơdĭng Aza cho hâi Têt tiô khôi hmâ ton nah ki tĭng, ai pơxúa kân khât tiô tơdroăng rêh ối, tuăn loi dêi kuăn ngo kơpong kong ngo A Lưới.

VOV4.Xơ Đăng - Mơ’nui hơnăm 2024, tíu ki ai hmốu-tơnêi vâ ăm kuăn pơlê troh xah ôm hêi a kong pơlê Dak Nông châ UNESCO pơtối mơnhên Tíu xah hêi hmốu tơnêi tung lâp plâi tơnêi rôh má 2. Tơdroăng pơtối mơnhên inâi kơnía git mê cho môi tơdroăng hdró ki kal, ôh tá xê to veăng pêi mâu pơkâ mơnhông cheăng kâ krá tơniăn ton tiô Tơdroăng Pơkâ 2030 xua Khu lâp kong têa pơkâ.

VOV4.Xơ Đăng - Droh rơtăm veăng rak vế, mơnhông khôi túa lĕm tro hdroâng mơngế Việt Nam hneăng hơnăm 2024 – 2029’’ cho môi tung péa tơdroăng tơkêa bro dêi Khu pơkuâ Droh rơtăm Việt Nam pơkâ tung hneăng má IX.

Hơnăm nếo hiăng troh rơtế ai hên tơdroăng loi tơngah ƀă pói châ nếo ‘na tơdroăng ki pơhlêh lĕm ro, a pơlê Kon Vơng Kia, pơlê kân Mang Deang, tơring Kon Plong, kong pơlê Kon Tum ai môi tơdroăng ki tơxâng vâ ‘nâi plĕng ing mâu tơdroăng ki hmâ hlo tung rêh ối-pêi cheăng rêm hâi dêi mơngế Rơteăng. Mâu ngế kuăn pơlê akố, ƀă hiâm mơno pói rơhêng vâ, kơdo mơ-eăm ôh tá la lâi pơtê dế môi tiah chêh bro mâu hlá mơéa ki nếo ‘na mơnhông kơvâ ôm hyô pơlê pơla, rak vế ƀă mơhno tơbleăng ‘na khôi túa, vêa vong dêi hdroâng mơngế.

VOV4.Xơ Đăng - Kon Tum ai lối 133.000 ngế Rơteăng rêh ối. Rơtế ƀă khôi túa lĕm tro ‘na chêng koăng, kơhnhon xuăng, mơjiâng bro tơmeăm ki kơnía tiô chal krâ nah mê mơngế Rơteăng xuân ối rak mâu khôi túa lĕm tro tiô khôi vâi krâ hiăng hnê ‘măn, ki málối cho tơdroăng mơdĭng tơdjâk troh tơdroăng rêh ối ‘na kuăn mơngế, pơlê pơla ƀă pêi cheăng pêt mơjiâng tơmeăm khoăng vâ mơ’drêh hdroâng hdrê kuăn mơngế. Tung troăng pơtối rak vế ƀă mơnhông khôi túa lĕm tro mâu hdroâng kuăn mơngế Tây Nguyên, mâu vâi krâ ki châ pôk inâi nghê̆ nhân cho tíu ki hgiên krá tơniăn. Vâi ôh tá pơ’lok tơbleăng tơdroăng ki kố ki mê ƀă rơkong, mê vâi ối mơ-eăm rak tơvế tơdroăng ki lĕm ƀă tuăn i hiâm, hâk git khât khôi túa lĕm tro dêi hdroâng mơngế vâ pơtối hnê ăm rơxông ối nếo.

VOV4.Xơ Đăng - Drêng kơchơ mơdró Têt hên ngế rôe tơmeăm, xuân drêng pơlê xiâm “hơ’nêh ro têng môi hâi kong tô” dêi Krông Pa, kong pơlê Gia Lai hiăng tâ xú kơhiâm lĕm dêi rơnó Têt. Ing môi hơ’nêh mâm kâ ki kơhiâm dêi kuăn ngo Jarai, kơchâi kâ kố hiăng châ mơ’no tê ing kơpong “kơnoh on” Krông Pa, chiâng mâm kâ a hâi Têt, châ hên ngế rơhêng vâ rôe, vâ kâ.

VOV4.Xơ Đăng - Tung rôh Têt Lo hơnăm nếo Ất Tỵ, rơtế ƀă hên tơdroăng mơhno túa lĕm tro, ngê̆ thuât ki hơniâp ro, kong pơlê Dak Lak kô tơkŭm pĕng mlŏi reăng a 5 tíu mê cho Pơlê kong kơdrâm Ƀuôn Ma Thuột ƀă mâu tơring Ea Hleo, Krông Ƀuk, Krông Ana, Ea Kar.

VOV4.Xơ Đăng - Lối hrĭng to hlá tơbeăng ƀă mâu hlá mơ-éa ki mơđah tơbleăng a Rôh po mơdĭng hlá tơbeăng rơnó Hơngui kong pơlê Dak Lak pơxiâm po a lơxo lơ 21/1 hiăng mơhno tro hiâm mơno Chal ki mơ-eăm dêi tơná dêi hdroâng mơngế.

VOV4.Xơ Đăng - Tung tơdroăng rêh ối rêm hâi, mơngế Bơhnéa đi đo chôu vế rơkong vâi krâ tối pơchân: “Athế nhuô̆m mơnê nôu pâ môi tiah mâ khế, loi nhuô̆m jâ nôa môi tiah mâ hâi”, tơdroăng mê ăm hlo, vâi krâ-nhŏng o ngăn khât tơdroăng ki mơnê kơ hnoăng nôu pâ. Tơrêm ngế kuăn Bơhnéa drêng hiăng xông kân, mơjiâng on veăng pơrá tơkŭm po hâi ki koh mơnê hnoăng nôu pâ. Kố cho roh ki vâ mâu kuăn ‘nĕng mơhno dêi hiâm tuăn koh nhuô̆m, mơjo pâ kơ nôu pâ, pói rơhêng vâ koh tơbâ hnoăng ki mơjiâng kuăn ‘nĕng dêi nôu pâ, hiăng chĕm roăng, rak ngăn ƀă hnối rơkâu pâ ivá dêi nôu pâ đi đo mo rơdêi, rêh ton.

VOV4.Xơ Đăng - Ká chôu cho kế kâ tiô khôi hmâ vâi krâ roh ton nah dêi hdroâng kuăn ngo Jêh-Triêng a kơpong tơnêi Tây Nguyên tối tơdjuôm. Ƀă hdroâng mơngế Jêh-Triêng ki rêh ối a kong pơlê Quảng Nam, ká chôu cho kế kâ ki xiâm, ki rơhêng vâ tối, kế kâ kố ôh ta păng lôi tung mâu roh leh mơdĭng. Ká chôu dêi mơngế Jêh-Triêng hiăng chiâng kế kâ ki krê xêh, mơhno tối khôi túa lĕm tro dêi hdroâng kuăn ngo a kơpong kố.