VOV.Xơ Đăng - Tung dế kong kế, ngo ngối kân kĕng, vâi krâ-nhŏng o a mâu pơlê cheăm kơpong Tây Ngyên hiăng ‘nâi nhên xúa mâu tơmeăm khoăng, plâi, pôm ki ai xêh tung kong vâ pế pơchên mâu kế kâ tiô khôi hmâ ki kơhiâm dêi kong kế. Môi tung mâu kế kâ ki kơhiâm má môi cho kế kâ ki pro ing plâi hơpê tơrâ-môi hdrê plâi ki ai kế ki xăng iâ, la kơ’nâi mê ga ngeăm.

VOV.Xơ Đăng - Ƀă tơdroăng loi tĭng kơ mâu kuăn kiâ mâu xeăng, hdrối rơnó chối báu lơ pêt loăng plâi, mơngế Jarai a kong pơlê Gia Lai xuân tơkŭm po mơdĭng hdrối rơnó chối báu vâ rơkâu pâ khu xeăng veăng kum kring vế, pro ăm kong mêi tro tô ‘ló, báu alâi loăng plâi xông ngiat lĕm, tơdroăng rêh ối châ phâi tơtô ƀă rêh ối hơniâp lĕm. Mơhé túa pêi klâng pêi chiâk nôkố hiăng phá tâ hdrối nah, la tơdroăng pro mơdĭng xối xeăng a rơnó pêi chiâk xuân ối rak vế a hên tíu môi tiah xiâm kối pơtối rak túa lĕm tro, mơhno hiâm mơno vâ mơnê kơ xeăng plêng, xeăng tơnêi ƀă vâ hnê pơchân ăm kuăn mơngế thế rêh ối lĕm ƀă kong kế.

VOV.Xơ Đăng - Tung túa rêh ối chal nếo hâi kố, a hên pơlê cheăm a kong pơlê Dak Lak, idrâp chêng xuân ối châ rak vế ƀă pơtroh hiâm mơno chal nếo. Túa tơlá lĕm tro ‘na chêng koăng dế châ pơtối châ rak vế ing mâu vâi hdrông rơxông ối nếo, mâu vâi krâ, nhŏng o, ƀă mâu khu tô chêng tôu koăng tung mâu pơlê cheăm, veăng gum tung tơdroăng tơveăng rak vế khôi túa, vêa vong, thăm mơdêk ‘na tơdroăng ki tơrŭm tôu chêng tôu koăng, hơdruê xuăng ƀă mơhno tối um méa dêi kuăn pơlê a kong pơlê Dak Lak ki hmâ, achê, kro mơdrŏng tung roh ki tơlôm ƀă mâu kong têa vâi ê.

VOV.Xơ Đăng - A kơphô̆ ngo Pleiku, kong pơlê Gia Lai, mâu pơlê Jarai kŭn, hmiân tuăn dế chôa ‘lâng pơhlêh dêi tơná ó rơdêi. Ki má môi mơtiah pơlê Ơp, pơlê Ia Nueng, ôh tá xê to djâ pêng păm khôi túa lĕm tro Tây Nguyên, mê ối cho mâu tíu ki eăng tung mơnhông ôm hyô pơlê pơla ƀă rak vế khôi túa lĕm tro hdroâng kuăn ngo, mơjiâng cheăng pêi krá tơniăn ăm kuăn pơlê.

VOV.Xơ Đăng - Tung Kơpong ki rak vế khôi túa lĕm tro ‘na chêng koăng Tây Nguyên – tơmeăm túa lĕm tro dêi kuăn mơngế, mâu hngêi trá xŏn dêi mơngế Rơđế tơkéa vâ tối cho môi pâ mơhúa dêi pơlê. Ôh ta xê to tíu ki vâ ối dêi mâu rơpŏng hngêi, hngêi xŏn ối cho vâ mơhno um méa rak vế ‘na tơdroăng ki khu vâi kơdrâi ki pơkuâ ngăn.

VOV.Xơ Đăng - Mơngế K’Ho a peăng Hdroh Tây Nguyên ai tíu chôu ‘măn khôi túa lĕm tro ki má môi, tung mê, mâu tơdroăng rơhdruê môi tiah reng, loong, tòng bơr, tam pơ̆t, tam pla ƀă hiá hé đi đo ai tung rêm leh hô̆i. Rơtế tơdrá chêng, tơdrá axoâng, tung mâu leh hô̆i, mơngế K’ho ôh tá păng lôi mâu tơdrá hdroâng kuăn ngo.

VOV.Xơ Đăng - Khế 7 hơnăm 2020, Khu xiâm tơkŭm po Hnê hriâm, Khoa hok ƀă Khôi túa lĕm Khu lâp kong têa (UNESCO) hiăng mơnhên Kơdrum reăng hmốu plâi tơnêi Dak Nông cho Kơdrum reăng hmốu lâp plâi tơnêi. Pakĭng ki kơnâ ‘na hmốu plâi tơnêi um pakong plâi tơnêi, ti tăng ‘nâi tơmeăm roh nah, hên hĭn mâu tơmeăm, tíu kố ối rak tơmeăm kơnía khôi túa lĕm tro ki phá tơ-ê dêi pơlê pơla mâu hdroâng mơngế rêh ối a kơpong kân rơdâ M’Nông, tung mê, ai Tíu mơhno khôi túa lĕm tro Chêng koăng Tây Nguyên – Tơmeăm kơnía khôi túa lĕm tro ‘na hiâm mơno teăng mâ dêi kuăn mơngế. Tơdrá dêi tơnêi, tơdrá dêi khôi túa lĕm tro vâi krâ nah hiăng mơjiâng chiâng ‘’Kơpong dêi mâu tơdrá hêng’’ – Kơdrum reăng hmốu plâi tơnêi UNESCO Dak Nông, ki rơhêng vâ tối cho pro ăm tơmối hâk vâ troh ngăn.

VOV.Xơ Đăng = Tung tơdrá rơngê, ting ting Rơđế, mê cho Eirei ki hơniâp ro, chuât xơtó, mê tơdrá Kưt ga mơngối, xŏn, cho rơkong ki vâ tơpui tung dế dêi i hiâm mơno. Hơdruê Kưt cho mâu nâl pơto pơtih, kro hên um méa ki vâ tối mơhno, ƀă ai mâu tơdroăng ki nhên, trâu rơdâ; ki rơhêng vâ tối, kố xuân cho tơdrá ki hơdruê tung ƀai ki rơngê rơngối. Tung pơla hơdruê mê, pơkal ai tíu ki vâ hơdruê, chôu phut, ƀă mâu ngế ki rơkê plĕng, mê hơdruê tơdrá Kưt ga tơ’kêi hlâu tâ tung tơdroăng pơtối rak vế, pơtối mơdêk xua ai tơdroăng ki vâ chiâng pơtối bro tơ’nôm ƀă hên ngế chiâng vâ hơdruê. A mâu pơlê, mâu tíu ki ôm hyô pơlê pơla a kong polê Dak Lak, rơtế ƀă tơdrá Eirei, mâu nâl hơdruê Kưt dêi mơngế Rơđế hiăng pro i hiâm mơno dêi tơmối tơngôu drêng troh pôu ngăn a kong pơlê ki kố.

VOV.Xơ Đăng - Tung mâu leh mơdĭng tiô khôi hmâ dêi hdrông mơngế Jarai ôh tá păng lôi idrâp chêng koăng, idrâp hơkâ ƀă mâu prôa, rơvŏng hlŭm dêi hdrông kuăn ngo tơná. Tơdroăng ki kơhnâ, krâu khât tung hnê tối dêi mâu vâi krâ-nhŏng o ki rơkê rơtế ƀă hiâm mơno ki hâk git, malối ƀă mâu vâi droh rơtăm, vâi phô̆m vâ xông kân a kong pơlê Gia Lai hiăng veăng têk on, séa bâ tơmeăm khoăng tung rak vế, mơđah chêng koăng Tây Nguyên tung tơdroăng rêh ối chal nếo nôkố, tơdjêp ƀă pơlê pơla ƀă pro bâ eăng mâu khôi túa lĕm tro dêi kuăn ngo tơná.

VOV.Xơ Đăng - Kơxê lơ 27/11, a Hngêi Kuô̆k hô̆i hiăng tơkŭm po Hôp Khu hnê mơhno, Khu tơkŭm po Pri Diên Hồng roh má 4 hơnăm 2026.