VOV.Xơ Đăng - Kơxo hâi lơ 8/10, tíu tơbâ ton nah Đình Lạc Giao, bêng Buôn Ma Thuột, Tíu xiâm ngăn túa lĕm tro, Tơ’noăng ivá ƀă ôm hyô kong pơlê Dak Lak tơkŭm po Leh xối pleăng rơnó rơxăm Ất Tỵ hơnăm 2025.

VOV.Xơ Đăng - A Hngêi hơdruê ƀă Mơđah tơbleăng túa lĕm tro ngê̆ thuât kong pơlê Lâm Đồng (bêng Phan Thiết) po Leh mơgêi “Khế lăm troh ôm hyô a Lâm Đồng hơnăm 2025”.

VOV.Xơ Đăng - Kơxo lơ 29/9, a bêng Buôn Ma Thuột, kong pơlê Dak Lak tơkŭm po tơpui tơno khoa hok Rak tơniăn lĕm kong ƀă mơnhông ôm hyô ngăn loăng pơlái kong kế pơlê pơla.

VOV.Xơ Đăng - Kơhâi dế lơ 29/9, a a Hngêi tơraih tơƀai lâp plâi tơnêi T2 Tơraih tơƀai lâp plâi tơnêi Cam Ranh, Vi ƀan hnê ngăn kong pơlê Khánh Hòa hiăng tơkŭm tơdah tơƀai kơneăng ki apoăng sap ing Moscow dêi Khu tơƀai Nordwind Airlines, vêh po troăng kơneăng pơla Rusi – Nha Trang klêi kơ’nâi vâ chê 5 hơnăm tro pơtê.

VOV.Xơ Đăng - Mơdĭng krếo mơhúa cho môi tung mâu túa leh mơdĭng ki loi tĭng dêi mơngế Jarai. Drêng tung môi rơpŏng hngêi, ai mơngế ki trâm xía vâ, môi tiah tro tơklâm rơxế, tro rong râ, pro i hiâm mơno chiâng ôh tá hmâ, xua mê, vâi krâ akố hmâ tơkŭm po rơkâu xối xeăng vâ gum tơniăn ăm mơngế ki trâm xía vâ mê. Khôi tơlá kố cho vâ mơnhên tối ‘na tuăn mơno ki hlê plĕng dêi mơngế Jarai ‘na mơhúa ƀă châ chăn kuăn mơngế, ƀă ai tá tơdroăng ki tơdjêp ƀă khu xeăng vâ gum ăm tơdroăng rêh kuăn mơngế.

VOV.Xơ Đăng - Tíu ‘măn rak tơmeăm kong pơlê Lâm Đồng tơbleăng troh tơmối ôm hyô ƀă kuăn pơlê mâu túa ki lĕm tro dêi hdroâng kuăn ngo M’Nông prế Mạ.

VOV.Xơ Đăng - Tung tơdroăng rêh ối chal nếo nôkố, hlo ai hên mâu tơdroăng ki kơnía dêi kuăn ngo dế vâ rế hiá lôi, xuân u ối mâu ngế ki ối rak vế dêi mâu tơmeăm xah hêi dêi hdroâng kuăn ngo. A cheăm Ea Tul, kong pơlê Dak Lak, mâu vâi krâ akố hâi măng xuân ối rak vế ƀă hnê ăm rơxông kuăn ‘nĕng, cháu chái túa mơjiâng pro, túa rêi, tôu mâu tơmeăm dêi kuăn ngo. Vâi ki mê cho tíu ki râng tơvế idrâp chêng, idrâp rơvŏng hlŭm, pơtối chuât chhâk xơtó troh kong kế, ngo ngối a Tây Nguyên.

VOV.Xơ Đăng - Bă mơngế Bơhneá, túa tơlá mơdâm kiâ ôh tá xê to môi túa lĕm tro, mê ối cho kơxái ki tơkoh tơdjêp ƀă kuăn pơlê, thăm hơ-ui pâ dêi rơpó pơla kuăn pơlê ƀă mâu pơlê pơla.

VOV.Xơ Đăng - Ô eăng ƀă hlo khôi túa vêa vong lối 100 hơnăm, pơlê teăn rơkôa Phú Tân, cheăm Ô Loan, kong pơlê Dak Lak xuân rak ki phá krê tơ-ê. Ôh tá xê to mơdêk pêi lo liăn ing tơmeăm, nôkố, pơlê teăn rơkôa ối mơhnhôk tơmối troh ôm hyô ƀă mâu tơdroăng ki châ tâ châ hlo ƀă tơdroăng cheăng tiô khôi vâi krâ nah.

VOV.Xơ Đăng - Ối ‘nân pêi dêi a túa teăn, tâ, ‘mot prế teăn, pêi dêi klêng tê klêng hía, jâ Xong ối a Ƀuôn Kon Wang, cheăm Tân Tiến, kong pơlê Dak Lak dế rêm hâi teăn mơjiâng dêi hên mâu jiâ, rơmoăng, van, khan, xên, ếo pơtâk ai hên túa mơngiơk. Tung tơdroăng rêh ối nôkố, jiâ, rơmoăng, van, khan, xên, ếo pơtâk xua vâi krâ, nâ o teăn dế mơhno ăm kuăn cháu ki pơxúa păng ‘nâng, kơnâ, kơnía, git, lĕm tro tiô vêa vong dêi kuăn ngo rế troh lâp lu a kong hơngế.