VOV.Xơ Đăng - Pơtáu On cho môi ngế pơtáu tung tơdroăng hơ’muăn tối dêi mơngế Jarai a kong pơlê Gia Lai, hiăng châ pơtó châ 14 rơxông. Hơnăm 1993, Mơdĭng rơkâu pâ kong mêi “Pơtáu On” dêi mơngế Jarai hiăng châ mơnhên cho Tơdroăng túa lĕm tro ki kơnía git dêi tơnêi têa; pơlê Ơi (tíu ki mâu Pơtáu On rêh ối, nôkố ối tung cheăm Chư A Thai, kong pơlê Gia Lai) cho tíu tơníu ki kal roh ton nah túa lĕm tro dêi râ tơnêi têa. Mơdĭng rơkâu pâ kong mêi “Pơtáu On” cho túa tơlá lĕm tro ki krê tơviah xêh dêi hdrông mơngế Jarai a kong pơlê Gia Lai, đi đo tơ’mot kơdrâm tơmối pôu ngăn.

VOV.Xơ Đăng - Mâu hơnăm hdrối, hên cheăm bêng a kong pơlê Gia Lai hiăng tơbleăng pêi tơƀrê tơdroăng ki rak vế mơnhông khôi túa lĕm tro dêi kuăn pơlê hdroâng kuăn ngo vâ pro ôm hyô pơlê pơla. Ing mê, rế gum rak vế ki kơnía túa lĕm tro, rế mơnhông tơdroăng rêh ối kuăn pơlê. Ki xiâm môi tiah pơlê Mơhra Dăp, cheăm Tơ Tung, dế cho tíu troh rế hía rế ro ƀă rúa pro ôm hyô pơlê pơla ki lĕm tơviah. Akố, túa lĕm tro khôi hmâ dêi mơngế Bơhnéa châ rak vế ƀă mơnhông tiô túa ki ai xêh, pro chiâng ivá tơ’mot tơmối troh.

VOV.Xơ Đăng - Ƀă tơdroăng ki mơ’no liăn cheăng dêi tơnêi têa, Pơlê tiô khôi vâi krâ nah Klong Trao 1 cheăm Di Linh, kong pơlê Lâm Đồng, hiăng chiâng tơmeăm mơhno khôi túa lĕm tro ki má môi, tíu khôi túa lĕm tro hdroâng kuăn ngo K’Ho dế rak, mơnhông, tăng cheăng pêi kum kuăn pơlê hdroâng kuăn ngo mơnhông ôm hyô pơlê pơla, mơdêk tơdroăng rêh ối kế tơmeăm khoăng ƀă hiâm mơno. Kố cho tíu xah hêi châ tâ châ hlo kum ôm hyô, xuân cho tíu ti tăng plĕng, hriăn plĕng tơdroăng ki ai khât nôkố ‘na khôi túa lĕm tro hdroâng kuăn ngo châ hên tíu hnê hriâm rah chêh.

VOV.Xơ Đăng - VOV.Xơ Đăng - Ai hên mâu rơkong tơpui tối dêi mâu kăn ki veăng hôp, vâ môi tuăn Gia Lai kal athế mơjiâng pro hnoăng cheăng ki nếo, krá kâk, ton la ngiâ, athế hdró mơhno tơbleăng nhên mâu tíu ki po ôm hyô ki xiâm, ai tơmeăm khoăng, tơdroăng ki kơnía git khât, môi tiah tôu chêng koăng, hdrôu, rơngê rơngối, túa mơjiâng pro kuât ƀă hên hĕng mâu tơdroăng ki ê.

VOV.Xơ Đăng – Kơpong tơnêi Tây Nguyên chal krâ roh nah ki ai hên tơdroăng xôi kiâ, hơ’muăn tối ai kong tôu ƀă kong khía, tíu ki ối rak vế tơdroăng tôu chêng, tŏn koăng Tây Nguyên hiăng châ UNESCO mơnhên tối cho tơdroăng ki kơnía git túa lĕm tro dêi hdrông mơngế. Tung rêh ối chal nếo, kuăn pơlê a Tây Nguyên dế rơtế dêi pó veăng rak vế, ‘măn chôu, pơtối mơdêk mâu tơdroăng, tơmeăm ki kơnía git túa lĕm tro vâ mơnhông ‘na kơvâ ôm hyô, mơjiâng tơdroăng rêh kâ ối. Ôh ta xê to mâu ngế vâi krâ ki ối rak vế ki kơnía git dêi túa lĕm tro chal vâi krâ nah, mê hiăng ai hên mâu vâi droh rơtăm, khu rơxông nếo hdrông kuăn ngo, ƀă tuăn tơmiât, túa cheăng ki hloh hlê, rơkê plĕng ƀă rơkê xúa kơmăi, kŏng ngê̆, dế tơ’mot kơdrâm kơdrĕng tơmối troh ƀă tơnêi Tây Nguyên ƀă khôi túa, vêa vong dêi hdrông kuăn ngo tơn

VOV.Xơ Đăng - Leh hô̆i Katê hơnăm 2025 dêi kuăn pơlê Chăm a kong pơlê Khánh Hòa ƀă Lâm Đồng kô tơkŭm po sap hâi lơ 20 troh hâi lơ 23/10 la ngiâ a kơpong thôt Chăm. Mâu hâi hiăng hluâ, tơdroăng pơtâp axoâng kơdrâm phiu ro lâp mâu pơlê Chăm. Mâu pơlê pêi cheăng tiô khôi vâi krâ nah xuân thâ mơjiâng mâu tơmeăm nếo tiô đơn kok tơmeăm tơdah tơmối. Tâi tâng pêi ăm rơnó Katê hơnăm kố môi tiah troh rĕng, phiu ro tâ.

VOV.Xơ Đăng - Tung tơdroăng ki mơđah tơbleăng túa lĕm tro a Tây Nguyên, ai mâu vâi nhŏng o ki hmái hmâ, la pơtối rak vế, “Mơhúa chêng” ƀă péa pâ tuăn ki tơmâng tơdah, tơleăng nhên ƀă péa kơpeăng kŏng ki rơkê bĕn păng ‘nâng. A pơlê ôm hyô pơlê pơla Akŏ Dhông, kong pơlê Dak Lak, Ngê nhân ưu tŭ Y Bhiông Niê (hdrông Rơđế) xuân ối tơngôu tôu dêi tơrêm to chêng vâ ‘nâi idrâp ga tro lơ ta hâi tơtro, tôu tiô tơrêm rơ-rêk, chôa ‘lâng ai, mơdêi ai, vâ vêh tăng idrâp chuât ki tơtro păng ‘nâng ăm kơtum chêng koăng vâ tôu mơđah ăm tơmối i hmâng.

VOV.Xơ Đăng -  Hơnăm kố mơnhên 20 hơnăm sap ing Tíu mơhno khôi túa lĕm tro Chêng koăng Tây Nguyên châ UNESCO pơ-ôu pơ-eăng cho tơmeăm kơnía khôi túa lĕm tro ‘na hiâm mơno teăng mâ dêi kuăn mơngế. Péa chât hơnăm hiăng hluâ, idrâp chêng xuân cho tơdroăng hâk tơngăm ƀă krih tơviah tung rêm roh leh hô̆i, rêm tơdroăng ki kal dêi kuăn pơlê mâu hdroâng kuăn ngo a mâu kong pơlê Tây Nguyên. Tung dế tơdroăng rêh ối tiô rơxông nếo, tơdroăng rak vế tơmeăm kơnía kố xuân châ rak ƀă hiâm mơno dêi mâu ngê̆ nhân, pơlê pơla ƀă khu râ kăn pơkuâ, mâu ngế dế rế hía rế hnê, vêh pro ƀă tơbleăng, vâ ki kơnâ khôi túa lĕm tro chêng koăng pơtối troh lâp lu, chiâng ivá rơdêi hiâm mơno ƀă ivá ăm mơnhông ôm hyô pơlê pơla, mơdêk tơdroăng rêh ối kuăn pơlê.

VOV.Xơ Đăng - Tung tơdroăng rêh ối, túa lĕm tro dêi mâu hdrông kuăn ngo a Tây Nguyên, rêm khu hdrông mơngế pơrá ai khôi túa, vêa vong krê xêh, ga mơhno tối, hnê khĕn túa ki lĕm krê phá xêh. Ƀă mơngế Rơteăng, tơdroăng diâp ŏng mế ôh tá ai tơmiât hngăm ‘na liăn ngân, kế tơmeăm, ôh tá ai pơkâ thế ăm kế tơmeăm, laga, ki kal má môi tung tơdroăng vâ xo dêi pó, mê cho tơdroăng mơjo pâ, vâ dêi pó tá tuăn tá hiâm mơno ki tơdrăng khât ƀă pôu râng dêi hnoăng ăm vâi krâ péa pâ.

 VOV.Xơ Đăng - Koh hâk 71 hơnăm Hâi Tơleăng Pơlê kong xiâm (10/10) ƀă 95 hơnăm Hâi mơjiâng Khu ngăn vâi kơdrâi Việt Nam (20/10), a tíu ‘măn rak tơmeăm Vâi kơdrâi Việt Nam dế po Mơđah tơbleăng um “Mơhno lĕm ro ‘na rêh ối mâu hdroâng kuăn ngo Việt Nam” tơbleăng tối ki lĕm dêi 36/54 hdroâng kuăn ngo a Việt Nam. Mâu um xup ngê̆ thuât xua Kâu lak ƀô̆ xup um vâi kơdrâi Hải Âu xup.