VOV.Xơ Đăng -  Kơxo lơ 4/9 a Hà Nội, Rơ’jíu xiâm Việt Nam (VOV) mơhno kơxop mơ-éa ‘’Rơ’jíu Rơkong tơpui Việt Nam – 80 hơnăm rơtế tơnêi têa’’, klăng roh leh tơbâ 80 hơnăm mơjiâng (7/9/1945 – 7/9/2025).

VOV.Xơ Đăng - Tung 4 hâi pơtê leh Mơjiâng tơnêi têa lơ 2/9, kong pơlê Lâm Đồng tơdah lối 590.000 ngế tơmối troh ôm hyô, tâk vâ chê 7% tâng vâ pơchông ƀă rôh leh hơnăm nah ƀă kơxô̆ liăn châ xo lối 700 rơtal liăn.

VOV.Xơ Đăng –  Kơmăng lơ 2/9, a Plông kân Đại Đoàn Kết (bêng Pleiku), kong pơlê Gia Lai hiăng tơkŭm po tơdroăng ngê̆ thuât ki má môi ‘’Gia Lai  - Têa kơxĭ kong plĕng tơmot, ki lĕm má môi bâ eăng’’, koh phiu ro leh tơbâ 80 hơnăm Hâi mơjiâng tơnêi têa (2/9).

VOV.Xơ Đăng –  Tung 4 hâi pơtê leh mơjiâng tơnêi têa, kong pơlê Dak Lak hiăng tơdah hrĭng rơpâu roh tơmối ôm hyô tung tơnêi têa ƀă kong têa ê, djâ pêi lo liăn dâng 160 rơtal liăn ing tơdroăng pêi ôm hyô.

VOV.Xơ Đăng - Tiô Khu ngăn Túa lĕm tro, Tơ’noăng ivá ƀă Ôm hyô kong pơlê, tung lâp kong pơlê tơdah vâ chê 908 rơpâu ngế tơmối, tâk lối 10% tâng vâ pơchông ƀă khế kố hơnăm nah.

VOV.Xơ Đăng - Tung dế kong ngo Tây Nguyên kân rơdâ krip lĕm, tĭng hâk suâ châ ƀlêi trâng “Koh xa Tơdrăng” dêi hdroâng kuăn ngo Bơhnéa cho môi tung mâu leh mơdĭng ki lĕm tro, mơhno tối ‘na tơdroăng roh ton nah, loi tĭng ƀă mơhno túa lĕm tro ki krip lĕm.

VOV.Xơ Đăng - Chêng cho tơmeăm khoăng ki ôh ta păng lôi tung i hiâm mơno dêi mơngế Tây Nguyên. Ƀă vâi krâ-nhŏng o hdroâng K’Ho a kong pơlê Lâm Đồng, ƀai chêng ki hơniâp ro-Chêng Bor-châ kuăn pơlê rơhêng vâ hmâng má môi. Drêng tôu chêng ki kố cho roh ki vâi krâ kuăn pơlê trâm mâ, achê dêi pó pơla kuăn mơngế, mơhno tối tơdroăng ki tơrŭm môi hiâm mơno tung rơpŏng hngêi ƀă pơlê pơla.

VOV.Xơ Đăng - Drêng troh tơbâ 80 hơnăm Kăch măng Khế Tơheăm ƀă hâi Mơjiâng Tơnêi têa lơ 2/9, Tíu mơđah tơbleăng um tơmeăm ton nah dêi tơnêi têa (a Hà Nội) dế tơkŭm po tơbleăng tơdroăng kal chuyên đề: “Hnê chư tah ki ôh tá ‘nâi - Bâ eăng tung la ngiâ”. Mâu tơmeăm khoăng um méa châ tơbleăng ôh tá xê to mơhno tơdroăng hơ’muăn tối ‘na chư mê ối cho ƀai mơhrriâm tối ‘na hiâm mơno pâ nhoăm tơnêi têa, tuăn mơ-eăm vâ xông rơdêi.

VOV.Xơ Đăng - Kơtăn tíu xiâm bêng Kon Kum dâng 20 km, pơlê Kon Jong dêi mơngế Rơteăng a cheăm Ngọc Réo, kong pơlê Quảng Ngãi, tơniăn lĕm tung dế mâu kơdrum kơxu, kơphế ƀă loăng ngiât lĕm rơngiâp. Tíu kố ai têa krông Đăk Lôi lĕm ‘nâng, cho tíu ôm hyô ki hên ngế hâk vâ troh vâ ‘’tah lôi tơdroăng ki ôh tá lĕm tro’’ drêng vêh ƀă kong kế tung hneăng pơtê leh kố.

VOV.Xơ Đăng - Mơđah tơbleăng “Ƀlêi trâng tơnêi têa - 80 hơnăm mơjiâng Tơniăn krê, Hlâu hlĕng, Hơniâp ro” po sap ing lơ 28/8 troh tâi hâi lơ 5/9 a pơlê kong xiâm Hà Nội. Ƀă tơdroăng ki veăng ai mâ dêi 34 to kong pơlê, pơlê kong kân rơtế ƀă hên khu xiâ, kơvâ cheăng Tơnêi têa, mơđah tơbleăng mâu tơdroăng ki ƀlêi chiâng xiâm dêi tơnêi têa tung hên kơvâ, tung mê ai mâu tíu mơđah tơbleăng tơmeăm ki lĕm tro ‘na cheăng lêng, túa lĕm tro, cheăng kâ, rêh ối pơlê pơla. Kố cho tíu troh túa lĕm tro -kal kí ki kal, mơnhông tơdroăng púi vâ mơjiâng tơnêi têa kro mơdrŏng rơdêi.