Tơdroăng kal tơkŭm po sap ing hâi lơ 18/12/2025 troh lơ 2/1/2026 ƀă hên tơdroăng môi tiah tíu châ tâ châ hlo tơmeăm kơnía lâp plâi tơnêi, kơpong mơđah tơbleăng ƀă ôu kơphế, kơchâi kâ, kơmăng nhak kơphế - kơphô̆ ngo, tơdroăng ngê̆ thuât ‘’Mơngiơk Peăng Hdroh kong têa Mih’’, Noel ƀă Countdown koh hơnăm nếo 2026.

Ƀă lối môi chal mơjiâng, Lâm Đồng hiăng mơnhên hnoăng ki kal tung tơdroăng ki kơnâ kơphế Việt Nam, ƀă pêt mơjiâng tơmeăm ki dâi lĕm, uâ bro trâu, tơmiât pêi rơkê ƀă ôm hyô kơphế. Leh tơbleăng tơmiât la ngiâ mơjiâng hôp tơpui tơno po vâ tơdjêp kơphế Việt Nam ƀă troăng hiu tơmeăm kơnía kơphế lâp plâi tơnêi, tơdrêng amê pói tơngah chiâng tơdroăng ki kal rêm hneăng djâ ki kơnâ krê dêi Lâm Đồng.

Tung tơdroăng po ối ai Hneăng hôp kơphế lâp plâi tơnêi, mơđah tơbleăng troăng kơphô̆ ƀă tơbleăng Khu tơrŭm Kơphế Việt Nam - Lâp plâi tơnêi.