Pôa Tô Lâm, Kăn xiâm pơkuâ hnê ngăn Đảng pơkuâ ƀă ai ƀai xông tơpui mơgêi ki kal. Kăn xiâm pơkuâ hnê ngăn Đảng tối nhên, Khu pơkuâ xiâm tơnêi têa hiăng tơpui tơno hên, inhên ƀă môi tuăn tơbleăng tơdroăng Mơ-éa chêh hdrối Tơbleăng dêi Khu pơkuâ xiâm Tơnêi têa hneăng má XIII ‘na mâu Mơ-éa ki kal tơbleăng Hneăng hôp má XIV dêi Đảng.

Tơnêi têa mơnhên tung hngêi pơhlêh nếo, kal tơkŭm pêi pro 3 roh tơdroăng pêi ki ton xŏn, mê cho châ tơƀrê hluâ pơkâ ó rơdêi ‘na pơkâ mơnhông mơdêk xing xoăng hnoăng, mơdêk mơnhông ‘na khoa hok, kŏng ngê̆, pơhlêh nếo tơmiât pêi rơkê, pơhlêh xúa kŏng ngê̆; Tơkŭm pơhlêh hdrê pêt, mơdêk ki dâi lĕm mơngế pêi cheăng, pơhlêh nếo ó rơdêi tơdroăng rah xo kăn ƀô̆; Pơtối pêi kêi đeăng, tơdâng tơ’mô ƀă mơnhông ó rơdêi tung mơjiâng hngêi trăng troăng klông cheăng kâ rêh ối pơlê pơla.

Khu pơkuâ xiâm Tơnêi têa hiăng môi tuăn tơbleăng tơdroăng pơkâ ‘na tơdroăng rah xo mơngế pêi cheăng vâ tơbleăng Hneăng hôp roh má XIV dêi Đảng; tơdrêng amê hiăng tơpui tơno inhên tơdroăng ki xiâm mâu tơdroăng cheăng hbrâ vâ tơkŭm po châ tơƀrê Hneăng hôp XIV dêi Đảng.