Tơdroăng tơkêa kố mơjiâng pro troăng kân Tân Phú – Bảo Lộc ai tâi tâng kơxô̆ liăn ‘no lối 18 rơpâu rơtal liăn. Troăng kân xŏn vâ chê 66km, tung mê, ai 54km prôk tơkâ luâ kong pơlê Lâm Đồng ƀă 12 km prôk tơkâ luâ kong pơlê Đồng Nai; châ kơchuâ chêh pro ăm 4 toăng rơxế prôk.

Ngế ki ‘no liăn pro cho Kŏng ti pêi cheăng tiô rơnó Grup Sơn Hải tiô tơkêa BOT (Mơjiâng pro – Pơkâ xúa – Pơcháu). Pro klêi ƀă ăm xúa a mơ’nui hơnăm 2027, troăng kân kô tơdjêp tơdâng ƀă tơdroăng tơkêa bro Dầu Giây – Tân Phú ƀă Bảo Lộc – Liên Khương mơjiâng pro troăng kân Dầu Giây – Liên Khương pro tơdjêp tung la ngiâ pơla Đông Nam Bộ ƀă Lâm Đồng ƀă Tây Nguyên.