Hdrối mê, pôa Lê Mạnh Hùng, nah ai pêi cheăng a Ƀơrô Chin phuh ƀă pôu râng hên hnoăng cheăng pơkuâ tung kơvâ têa châu têa kơxăng. Drêng pôu râng hnoăng Kăn hnê ngăn Hô̆i đong ngế pêi cheăng tung Petrovietnam, pôa hiăng rơtế khu pú hên khu râ kăn pơkuâ tơniăn tơkŭm po, tơleăng hên tơdroăng, djâ Grup pơkuâ mơnhông mơdêk ó rơdêi, veăng trâu hơhngế tâ tung tơdroăng ki kơnâ lâp plâi tơnêi.

Ngế pro xiâm hnê ngăn tơnêi têa mơnhên tơdroăng pơcháu hnoăng Pôu râng hnoăng Ngế xiâm mơhno tơdroăng loi tơngah, pói tơngah kân dêi Đảng, Tơnêi têa ƀă krê pôa Lê Mạnh Hùng, tơdrêng amê pơkâ pơtối pơhlêh nếo, mơnhông ó rơdêi kơvâ kơmăi kơmok tê mơdró, veăng tơpui tung tơdroăng mơnhông tơdjuôm dêi tơnêi têa tung hneăng la ngiâ.