Rôh po kơchơ tơkŭm 250 to kơbong tê tơmeăm dêi lối 100 khu mơdró kâ, khu pêi cheăng tơrŭm, tíu ki mơjiâng pro tơmeăm lo ing 16 kong pơlê, pơlê kong kân tung lâp tơnêi têa, mơđah tơbleăng mâu tơmeăm OCOP, tơmeăm pro ƀă kơmăi kơmok thôn pơlê, tơmeăm dêi mâu kơpong ƀă tíu pế pơchên kế kâ Tây Nguyên.

Kố cho tơdroăng pơkâ mơdêk tê mơdró rôh mơ’nui hơnăm, pr tíu tơdjêp tê mơdró, mơđah tơbleăng tơmeăm ƀă gum khu mơdró kâ po rơdâ kơchô mơdró. Jâ Đỗ Thị Thu An, Kăn pơkuâ Khu ngăn kơmăi kmok ƀă tê mơdró Dak Lak ăm ‘nâi rôh po kơchô châ po a rôh ki vâ roê tơmeăm mơ’nui hơnăm, drêng mâu tơmeăm hiăng châ rah xo, séa ngăn sap ing kong pơlê. Mâu tíu pêi cheăng veăng tơrŭm ôh ti xê tơtrŏng ko dêi lĕm mê ối mơ’no kơlo yă tơtro, pêi châ tơdroăng púi vâ roê dêi kuăn pơlê, malối tung rôh Têt Lo hơnăm nếo la ngiâ.