Kong pơlê Lâm Đồng klêi kơ’nâi ‘mot tơkŭm hiăng chiâng tơnêi tơníu mơnhông sap ing kong ngo – thông – tơbăng kĭng têa kơxĭ, ƀă ƀăng tơnêi lối 24 rơpâu km2, tơkŭm tŭm ki ai hlâu ‘na tơnêi, kong kế sinh hok, on tơhrik vêh pro, cheăng kâ tung kong, cheăng kâ a têa kơxĭ ƀă pêi chiâk deăng xúa kơmăi kơmok chal nếo.

Tung mê, Kong ngo Di Linh rak tíu ối tíu xiâm la ngiâ, ing văng Bảo Lộc troh chêng văng Prenn, cho hnoăng cheăng tơdjêp mâu kơpong ki xiâm dêi kong pơlê. A rôh hôp, mâu kăn hiăng pơchuât tơbleăng hên tơdroăng ki tăng ‘nâi, tơpui tơno trâu hngế ‘na troăng hơlâ ƀă troăng pơkâ pêi tung la ngiâ ăm mơnhông Kong ngo Di Linh, kong pơlê Lâm Đồng; pêi pro nhên mâu tơdroăng tơpui hriăn ngăn khoa hok ƀă ki ai khât; pơkâ mơ’no túa mơnhông ăm tơtro; tơdrêng amê hlối pâ thế mâu troăng hơlâ, troăng gum tŭm têi, tŭm rơkê vâ lêi tah mâu tơdroăng ki xơpá, pro ivá vâ mơnhông nếo ăm kơpong tơnêi kố.