A Hneăng hôp, mâu kăn teăng mâ tơkŭm séa ngăn, mơnhên tơdroăng pêi pro hnoăng cheăng mơnhông cheăng kâ – rêh ối pơlê pơla, gâk kring tơnêi têa – gâk kring tơniăn hơnăm 2025 ƀă tơpui tơno, pơkâ troăng pêi la ngiâ, pơkâ pêi, hnoăng cheăng hơnăm 2026.

Tiô tơbleăng dêi Vi ƀan kong pơlê, tung hơnăm 2025, mơhé trâm hên pá puât, ki má lối cho tơdjâk dêi khía mơhot 13 ƀă mâu roh kong mêi têa lân lu kân pro tro lŭp tiô tối hdrối 12.000 rơtal liăn, cheăng kâ – rêh ối pơlê pơla dêi Dak Lak xuân rak châ tơdroăng tơniăn tơdâng. Kong pơlê ai 12/16 túa pơkâ cheăng kâ – rêh ối pơlê pơla châ ƀă hluâ pơkâ; pêi lo liăn rêm ko mơngế châ lối 80 rơtuh liăn; xo hnoăng liăn ngân tơnêi têa châ 16.500 rơtal liăn; pêi lo liăn tê ngi kong têa ê châ 2,8 rơtal dollars, tâk 26% tâng pơchông ƀă hơnăm 2024.

Mâu kơvâ khôi túa lĕm tro – rêh ối pơlê pơla pơtối châ tơmâng, gum rêh ối pơlê pơla châ tơniăn, kơxô̆ rơpŏng kơtiê kơdroh sap ing 3% tơngi klêng, krê rơpŏng kơtiê tung kuăn pơlê hdroâng kuăn ngo kơdroh lối 4%. Gâk kring Tơnêi têa – gâk kring tơnêi têa châ rak krá tơniăn.