VOV.Xơ Đăng - Vi ƀan hnê ngăn kong pơlê Gia Lai pơkâ túa pêi ‘na tơdroăng tơkŭm po mơdĭng “Ki lĕm ing tơnêi kân-têa kơxĭ ngiât tơkŭm hơnăm 2025” vâ mơđah tơbleăng mâu tơdroăng ki kơnía lĕm dêi kơpong tơnêi bazan ƀă ki ai hlâu ‘na cheăng kâ têa kơxĭ.

VOV.Xơ Đăng - Mơdĭng chối báu chiâk (ki vâi hmâ tối dêi xối hiăng klêi chối báu) dêi mơngế M’Nông cho môi tơdroăng pro mơdĭng ki kal, hmâ tơkŭm po a hdrối vâ troh rơnó mêi, klêi trâ dreăm chôu dêi chiâk. Pro mơdĭng mê vâ mơhno ki nhoăm pâ ƀă vâ mơnê kơ xeăng dêi mơngế M’Nông, púi vâ môi rơnó pêi cheăng châ xo hên ai hmê kâ phâi tơtô.

VOV.Xơ Đăng - Mơngế Rơđế a Tây Nguyên ai tơdroăng ki lĕm, púi vâ rêm ngế rêh ối lĕm ro hmâ pâ dêi rơpó, hmâ tơrŭm dêi rơpó krá khât, ngăn dêi rơpó môi tiah môi klêa môi kliâm, ai ki klâi hbru ăm dêi rơpó, kum dêi rơpó drêng trâm pá vâ mơjiâng rơpŏng hngêi, mơnhông dêi pơlê rế phâi tơtô, kro mơdrŏng.

VO.Xơ Đăng - Kong pơlê Gia Lai dế mơdêk rơdêi pơkâ ƀă mơnhông kơpong Biển Hồ - Chư Đăng Ya chiâng môi kơpong ôm hyô tơnêi têa ƀă tơngah kô pro tơƀrê ăm kơvâ ôm hyô dêi kong pơlê ƀă tung kơpong Tây Nguyên.

VOV.Xơ Đăng - Ƀă hdroâng mơngế K’Ho Cil a Lâm Đồng, rơhế alâi ôh tá xê to kế kâ rêm hâi, mê ối cho khôi túa lĕm tro ai tơdjâk troh tơdroăng pêi chiâk pêi deăng, rơnó ki pêi lo dêi kế tơmeăm ƀă tá túa rêh ối ki lĕm ro tơniăn dêi rêm rơxông kuăn mơngế. Rơhé cho kế kâ ki dó xêh ôh tá kơhiâm, laga, mơhno tối ‘na tơdroăng ki kơhiâm hơ-iâ dêi kong kế, ngo ngối. Tung tuăn tơmiât dêi hên ngế kuăn pơlê ki ối hơngế, rơhé alâi cho um méa dêi mâu vâi jâ, vâi nôu a rêm roh kơxo má a kĭng kơnoh on.

VOV.Xơ Đăng – Mâu kâu lăk ƀô̆ môi tiah ‘’Vâi kơdrâi ƀă luât’’ kum pơtâng tối hlê plĕng, mơdêk khôi túa vêa vong pơkoăng rơkê tê. Ối ai há hngêi ‘na kơnốu rak tơmeăm ki ăm pơkoăng tiô khôi vâi krâ nah môi, hnâng hlái, mâ xâng ƀă mơdrếo liăn mâ lơ ăm kô prêi on veăng nếo vâ pro kơxô̆ liăn mơjiâng cheăng pêi – rế rak khôi túa lĕm rế kơdroh pá ăm hngêi ‘na kơdrâi.

VOV4.Xơ Đăng – Mâu hâi achê kố, kơphô̆ têa kơxĭ Quy Nhơn, Gia Lai dế trâm tơdroăng ki ôh tá bê tŭm tíu ối pơtê. Sap ing hngêi ối pơtê ki rơpâ troh hngêi ối pơtê ki kơnâ, kơbong ối pơtê pơrá tung tơdroăng ki hên kơdrâm mơngế.

VOV.Xơ Đăng - Vâ tơ’mot tơmối, mơdêk kơvâ ôm hyô mơnhông, kong pơlê Lâm Đồng dế kơhnâ mơdêk rơdêi mâu tơdroăng cheăng pơhlêh kơxô̆.

VOV.Xơ Đăng - Tung pơla tơdroăng rêh ối chal nếo nôkố dế pơhlêh rêm hâi, mâu ngế ki tiâm tơniâm tiô khôi hmâ dêi hdroâng kuăn ngo Rơteăng a cheăm Tân Tiến, tơring Krông Pač hdrối nah, dêi kong pơlê Dak Lak xuân ối kơhnâ khât ƀă tơdroăng cheăng. Rêm hâi, on tơniâm akố xuân ối khâng. Akố, ôh tá xê to on khâng lơ meăm mê cho ing hiâm mơno mâu ngế ki tiâm tơniâm ƀă tuăn mơjo hâk git, ƀă hâk mơnâ ƀă pôu râng dêi hnoăng rak vế túa lĕm tro hdroâng kuăn ngo tơná.

VOV.Xơ Đăng -  Kăn hnê ngăn kong pơlê Dak Lak nếo ai rôh pêi cheăng ƀă Khu xiâm ngăn Túa lĕm tro, Tơ’noăng ivá ƀă Ôm hyô ‘na mâu kơvâ cheăng tăng ‘nâi plĕng, rak ngăn.