VOV.Xơ Đăng - Pôa K’Keo krâ pơlê cho ngế kuăn pơlê pâ nhoăm ối a thôn Hàng Làng, cheăm Di Linh, kong pơlê Lâm Đồng. Pôa đi đo djâ troăng ahdrối tung mâu tơdroăng mơhno túa lĕm tro ton nah, mơnhông cheăng kâ ƀă mơhnhôk kuăn pơlê tơrŭm dêi rơpó mơjiâng tơdroăng rêh ối nếo.

VOV.Xơ Đăng - Vâ pêi tiô pơkâ mơnhông ôm hyô pơla péa tơnêi têa Việt Nam ƀă Nhuk, a Hà Nội, Ƀơrô Kơ koan Mơhnhôk Ôm hyô Nhuk tơkŭm po “Hôp tơpui tơno Tơdjêp tê mơdró mơhnhôk ôm hyô Nhuk hơnăm 2025”.

VOV.Xơ Đăng - Tung tĭng lôi tơnâp kiâ (ối tối cho Mơdĭng Pơthi) dêi hdroâng kuăn ngo Jarai a Tây Nguyên, ai túa ki krih tơviah, kuăn pơlê rơhêng vâ ngăn, vâ hlo má môi mê cho Kiâ Trâp. Nâl hdroâng Jarai tối Kiâ Trâp mê cho Bram. Kố cho khôi hmâ ki rơnuâ krih tơviah, kuăn mơngế rêh vâi rơnuâ bro dêi châ chiâng kiâ, tiô kơ tơdroăng ki bliu trâp, tơnêi a lâp ngiâ, châ dêi tơná.

VOV.Xơ Đăng - Mâu ƀai chêh ôh tá xê to chêh tro tiô tơdroăng pơkâ thế mê ối hên  ‘na tơdroăng hơdruê ƀă mâu tơdroăng pơ eăng  ‘na um méa, mơhno hnoăng cheăng dêi Kuô̆k hô̆i ƀă hô̆i đong kuăn pơlê tung tơdroăng mơjiâng Tơnêi têa tiô luât xah hô̆i chuh ngiah dêi Kuăn pơlê, ing Kuăn pơlê, xua Kuăn pơlê .

VOV.Xơ Đăng - Chuât prŏng - prông ki phá krê xêh, Tơdŭt cho tơmeăm hlŭm mơhno túa lĕm tro ki krê xêh dêi mơngế Rơđế a Tây Nguyên, hlŭm Kái Kơpôu, pin tối cho Tơdŭt cho vâ tơpui tơno ƀă khu xeăng, ƀă hnối tơdjâ pơkuâ mâu tơdroăng ki leh mơdĭng krih tơviah xêh. Ôh tá chuât pơ’lok pơ’lâ hên môi tiah idrâp chêng koăng, ôh tá chôa ‘lâng môi tiah idrâp rơvŏng, Tơdŭt ga ai tơdrá chuât ki prông-prŏng krê xêh, mơhno tối i hiâm toi dêi tơnêi, dêi loăng, dêi khía tung kong kế ngo ngối.

VOV.Xơ Đăng - Drêng kong pơxiâm mêi apoăng rơnó mê hngê cho rơnó ki kuăn pơlê a Tây Nguyên hbrâ lăm mot tung kong, lo lăm a chiâk deăng vâ tăng kơxêt. Kố cho kế kâ ki kơhiâm rêm hơnăm, bu ai môi xoh tung hơnăm dêi mâu kuăn pơlê ki mot tung kơpong tơnêi khêi bazan tê ki ai.

VOV.Xơ Đăng - Tơdroăng cheăng meăn pro tơmeăm ƀă tơnêi hneăn dêi mơngế Bơhnéa (hdroâng Jơlâng) ối a cheăm Đăk Tơre, tơring Kon Braih, kong pơlê Kon Tum ai sap ing ton nah, rơxông kố pơtối troh rơxông kơ’nâi. Tơmeăm meăn pro ƀă tơnêi hneăn dêi mơngế Bơhnéa ngăn pro tơ’lêi hlâu tê, pik mơngiơk prăng ăm chí ‘mliâk mê cho vâ mơhno hdró túa lĕm tro roh ton nah. Pin rơtế tí tăng ‘nâi ‘na tơdroăng cheăng meăn tơmeăm ƀă tơnei hneăn pêi ƀă kŏng ki lĕm tơviah mê dêi hdroâng kuăn ngo Bơhnéa hdrôang Jơlâng.

VOV.Xơ Đăng – Mo Mường cho tĭng mơđah túa lĕm tro ton nah châ mơđah tung mâu hâi mơdĭng rơtế ƀă tơdroăng rêh ối loi tĭng dêi kuăn ngo Mường. A Dak Lak, tíu ai kuăn pơlê Mường dâng 16 rơpâu ngế, tơmeăm khoăng mê hiăng châ chêh tung inâi tơmeăm khoăng ki kơnía ton nah dêi tơnêi têa, châ tơmâng pơtối rak vế pêi pro tung rêh ối. H’Xíu H’Mok, ngế chêh hlá tơbeăng kơpong Tây Nguyên ai chêh ‘na tơmeăm khoăng túa lĕm tro Mo Mường a Dak Lak.

VOV.Xơ Đăng - A pơlê kong kơdrâm Buôn Ma Thuột, Khu ngăn Ôm hyô Phú Yên ƀă Khu ngăn Ôm hyô Dak Lak tơrŭm ƀă tơkŭm po hôp tơpui tơdroăng tơrŭm cheăng, tơrŭm mơnhông ôm hyô ƀă pơxá “Tơdjêp ôm hyô têa kơxĭ lĕm krúa ƀă kong ngo vâ mơnhông tơƀrê ton ta ah”.

VOV.Xơ Đăng - Khu xiâm ngăn túa lĕm tro, Tơ’noăng ivá ƀă Ôm hyô ai pơkâ ăm Ki rơkê plĕng chal krâ ‘na sâm Ngọc Linh a 2 tơring Tu Mrông ƀă Đăk Glei, kong pơlê Kon Tum mot tung inâi kế tơmeăm kơnía git tơnêi têa.