VOV.Xơ Đăng – Maluâ kơpong tơbăng kroăng Cửu Long ai troăng, thông, hno têa hên hĭn, ai hên rơlốu ku kŭn, ƀă tơdroăng tơmâng ngăn, tŏng gum dêi Đảng, Tơnêi têa hiăng ‘no liăn pro tơmeăm khoăng troăng prôk troh nôkố kơpong tơnêi ki mê hiăng pơ’lêh phá tơ ê. Khu troăng prôk châ mơjiâng pro lĕm krá, troăng prôk tơ’lêi hlâu, bâ phuâng, rĕng troh tâ drêng prôk lăm, chơ tơmeăm ƀă tơdroăng rêh ối, cheăng kâ a kố lĕm tro ƀă kơpong tơnêi tơchên thông têa kroăng mơnhông tơƀrê, “Mơ-eăm mơnhông tơná”, khên tơnôu mot tung chal nếo.

VOV.Xơ Đăng - Pôa Khamtay Siphandone, Kăn xiâm hnê ngăn Đảng Nhân yân Kăch măng Lếo, Kăn xiâm hnê ngăn tơnêi têa hneăng hdrối, Ngế pro xiâm hnê ngăn tơnêi têa Kŏng hoa Yân chuh Nhân yân Lếo hneăng hdrối hiăng kơtê i hiâm a hâi lơ 3/4. Vâ mơhno hiâm mơno mơjo pâ kơ pôa Khamtay Siphandone ƀă pơxiâm ing tơdroăng tơrŭm cheăng ki kal pơla Việt Nam Lếo, Đảng, Tơnêi têa Việt Nam hiăng pơkâ pro mơdâm kiâ pôa Khamtay Siphandone tiô tơdroăng mơdâm râ xiâm tơnêi têa tung plâ 2 hâi, hâi lơ 4 ƀă lơ 5/4/2025. Tơdroăng tơrŭm krá kâk pơla Việt Nam ƀă Lếo châ mâu rơxông mâu kăn péa Đảng, péa Tơnêi têa ƀă kuăn pơlê péa tơnêi têa hiăng tơrŭm ing nah. Tơkâ luâ lối 60 hơnăm riân sap mơjiâng tơrŭm tơpui kâ troh nôkố, tơdroăng tơrŭm kal kí mê thăm rế trâu rơdâ krá tâ ƀă ai pơxúa tâ.

VOV.Xơ Đăng - Mâu tơdroăng tơbleăng, tơdjêp ôm hyô pơla Dak Lak ƀă Phú Yên hiăng châ pơkâ ing hdrối, vâ pro rế hên tơdroăng xah hêi pêi pro drêng troh tơbâ 50 hơnăm hâi châ tơleăng lĕm peăng Hdroh tơnêi têa, lâp tơnêi têa tơrŭm môi; veăng mơnhông ôm hyô, vâ pêi pro tơdroăng pơkâ mơnhông cheăng kâ lối 8% tiô tơdroăng hiăng pơkâ.

VOV.Xơ Đăng - Churu cho môi tung mâu hdroâng kuăn ngo ki iâ mơngế rêh ối hiăng ton hơnăm a kơpong Tây Ngtuyên, hdroâng ki kố rêh ối hên a kong pơlê Lâm Đồng ƀă Ninh Thuận. Maluâ pơ’leăng mâ mơngế bu iâ la kuăn pơlê hdroâng kuăn ngo Churu xuân ối rak vế dêi khôi túa, vêa vong hdroâng kuăn ngo tơná, rơtế ƀă mâu khôi túa ki lĕm, tro, mơdĭng ƀă mâu tơdroăng ki tơpui tơdjếi, pơto pơtih, hơ’muăn tối, xôi kiâ, rơngê rơngối, mâu prôa, không, rơvŏng hlŭm, chêng koăng ƀă hên túa prôa ki ê.

VOV.Xơ Đăng - 50 hơnăm klêi hâi tơnêi têa châ tơleăng lĕm kong pơlê Quảng Nam, kơpong kong ngo, kơpong kăch măng tung rôh tơplâ thăm hlo hên kơpong ôm hyô tung kuăn pơlê tơ’mot tơmối. Mâu tơmeăm ôm hyô rơtế ƀă kong kế ƀă túa lĕm tro dêi kuăn ngo pơla mâu kơpong kong ngo Trường Sơn ki krip tơdrŏm, gum kuăn pơlê kong ngo pêi cheăng châ tơniăn.

VOV4.Xơ Đăng -  Vi ƀan tơring Phú Thiện hiăng tơkŭm po mơdĭng rơkâu xối pâ kong mêi dêi Xeăng pơtáu Apui ƀă Hneăng tơ’noăng khôi túa lĕm – tơ’noăng ivá mâu hdroâng kuăn ngo roh má XVI.

VOV.Xơ Đăng - Ối a pơlê Kon Trang Long Loi, pơlê kân Đăk Hà, tơring Đăk Hà, kong pơlê Kon Tum ai môi on veăng cho A Thui prế Y Nhui (mơngế Rơngao, môi khu dêi hdroâng kuăn ngo Bơhnéa) cho hâk vâ khât ‘nâng ƀă tơdroăng rơngê ting ting dêi chal vâi krâ roh nah. Ƀă hiâm mơno ki hâk vâ khât ‘na khôi túa, vêa vong dêi hdroâng kuăn ngo tơná, mê on veăng prế kố ôh ta xê to hâk git tung tí tăng chêh xo, rah ‘măn, lăm mơđah rơngê ting ting ukố umê, prế ối kơhnâ khât ăm tơdroăng hnê ăm khu rơxông nếo, veăng gum rak vế ăm khôi túa, vêa vong dêi kuăn ngo Rơngao.

VOV4.Xơ Đăng – Chrôi Rum Chêk (leh mơdĭng Phước Biển) cho môi tung mâu leh mơdĭng tiô chal krâ nah ai hên túa lĕm ro dêi khuăn ngo Khmer. Leh mơdĭng ai pơxúa vâ rơkâu pâ ăm mâu ngế lăm a têa kơxĭ trâm tơdroăng mơhúa, drêng tơnăng ká ƀă mơnê kơ têa kơxĭ hiăng ăm kuăn mơngế tơnăng pon mơhuá châ hên ká xi xŏng:

VOV4.Xơ Đăng - Ƀuôn Ma Thuột-kơpong tơnêi ki hiăng ai sap ing ton nah dêi Tây Nguyên, tíu ki xú pơ-ou dêi kơphế ki xăng lĕm hiăng chiâng môi pâ dêi túa lĕm tro ôh tá păng lôi tung tơdroăng rêh ối rêm hâi. Tâng la lâi lăm troh a tơnêi Ban Mê, pó kô tơ’lêi châ ôu kơphế ki châ mơjiâng pro tiô hên túa pơrá dêi pó, pro mơhno tơdroăng ki krê dêi tơnêi tíu, pro hên ngế rơhêng nguân vâ troh ngăn, ôm hyô.

VOV4.Xơ Đăng - Mơngế Ca Dong cho ối tung hdroâng Rơteăng, ki hên, tơkŭm rêh ối a tơring Nam Trà My, kong pơlê Quảng Nam. Sap ing chal vâi krâ roh nah, pơlê pơla hdroâng Ca Dong đi đo ngăn têa cho tơdroăng ki kal păng ‘nâng, ngăn mê cho ki xiâm dêi tơdroăng erêh. Rêm hơnăm, a mơ’nui khế 11, apoăng khế 12 cho roh ki hiăng klêi xuâ báu, vâi krâ-nhŏng o Ca Dong kô tơkŭm po Tĭng kleaăng kơneăng têa ƀă hiâm mơno pói rơhêng vâ ai mâu tơdroăng ki lĕm tro, tơniăn lĕm ƀă pơlê cheăm.