Mơdĭng kố tiô tối hdrối kô pơxiâm po kong măng 29/8, ai inâi “Rơhêng vâ têa kơxĭ drêh – Tơnêi tíu kân eăng bâ” a kơphô̆ têa kơxĭ Quy Nhơn. Rơtế amê cho hên tơdroăng pêi pro ki xiâm môi tiah: Mơdĭng troăng kơphô̆ “mơngiơk têa kơxĭ kân rơdâ”; Hâi mơdĭng túa lĕm tro kơphế, chêng koăng Tây Nguyên; Mơdĭng pế pơchên kế kâ “Mâu kế kâ ki kơhiâm sap ing tơnêi bazan ƀă têa kơxĭ”; mơđah tơbleăng tơmeăm OCOP ƀă pơlê pêi cheăng tiô khôi hmâ; mâu tơdroăng mơđah tơbleăng tơchok Bình Định kô châ mơđah tơdrêng ƀă tơdroăng ki mơđah tŏn chêng koăng Tây Nguyên, tuồng ƀă ƀai chòi. Po mơdĭng kố kô mơgêi ƀă tơdroăng ki eăng bâ lĕm a Plông kân Nguyễn Tất Thành.

Kố cho môi tung mâu tơdroăng ki hơniâp ro vâ tơrŭm mâu tơdroăng ki kơnía git khôi hmâ, pro chiâng khôi túa lĕm tro krê ăm Gia Lai tung la ngiâ.