Mơđah tơbleăng tơkŭm po sap ing kố troh hâi lơ 3/12. Mơđah tơbleăng troh kuăn pơlê kong pơlê Lâm Đồng ƀă tơmối ôm hyô 120 um ki pơtâng tối châ rah xo ing Roh tơ’noăng um pơtâng tối Hneăng hôp kăn teăng mâ lâp tơnêi têa roh má XIV dêi Đảng xua Kơ koan xiâm Khôi túa lĕm xiâm rêi, Rơpŏng ƀă Tíu chôu ‘măn kơxop mơ-éa tơkŭm po.

Mâu um châ mơđah tơbleăng a tíu mơđah tơbleăng ing um ƀă chư chêh pơtroh môi tơdroăng pơtâng hnê tối pơtâng trâu hơngế, mơdêk hlê plĕng, troăng tơmiât kal kí mơjiâng tơdroăng môi tuăn tung pêi pro mâu tơdroăng cheăng tung Đảng, rơtế môi tuăn tung pơlê pơla vâ tơkŭm po châ tơƀrê Hneăng hôp má XIV dêi Đảng ƀă djâ Tơdroăng pơkâ hneăng hôp tung tơdroăng rêh ối nôkố.

Jâ Hoàng Thị Lầm, bêng Xuân Hương – Đà Lạt, tối ăm ‘nâi, châ hlo tơdroăng ki pơhlêh dêi Đà Lạt, ngăn mâu um pơtâng tối a tíu mơđah tơbleăng, jâ hâk tơngăm ‘na mâu tơdroăng châ tơƀrê ki Đảng, Tơnêi têa ƀă kuăn pơlê hiăng châ tung tơdroăng mơjiâng ƀă mơnhông tơnêi têa.