VOV.Xơ Đăng – Mo Mường cho tĭng mơđah túa lĕm tro ton nah châ mơđah tung mâu hâi mơdĭng rơtế ƀă tơdroăng rêh ối loi tĭng dêi kuăn ngo Mường. A Dak Lak, tíu ai kuăn pơlê Mường dâng 16 rơpâu ngế, tơmeăm khoăng mê hiăng châ chêh tung inâi tơmeăm khoăng ki kơnía ton nah dêi tơnêi têa, châ tơmâng pơtối rak vế pêi pro tung rêh ối. H’Xíu H’Mok, ngế chêh hlá tơbeăng kơpong Tây Nguyên ai chêh ‘na tơmeăm khoăng túa lĕm tro Mo Mường a Dak Lak.

VOV.Xơ Đăng - A pơlê kong kơdrâm Buôn Ma Thuột, Khu ngăn Ôm hyô Phú Yên ƀă Khu ngăn Ôm hyô Dak Lak tơrŭm ƀă tơkŭm po hôp tơpui tơdroăng tơrŭm cheăng, tơrŭm mơnhông ôm hyô ƀă pơxá “Tơdjêp ôm hyô têa kơxĭ lĕm krúa ƀă kong ngo vâ mơnhông tơƀrê ton ta ah”.

VOV.Xơ Đăng - Khu xiâm ngăn túa lĕm tro, Tơ’noăng ivá ƀă Ôm hyô ai pơkâ ăm Ki rơkê plĕng chal krâ ‘na sâm Ngọc Linh a 2 tơring Tu Mrông ƀă Đăk Glei, kong pơlê Kon Tum mot tung inâi kế tơmeăm kơnía git tơnêi têa.

VOV.Xơ Đăng - Rơkâu xối Tĭng Kleăng kơneăng têa cho môi khôi túa ki loi tĭng ki hiăng ai sap ing chal vâi krâ nah dêi hên hdroâng kuăn ngo a Tây Nguyên, mơhno tối tơdroăng ki nhoăm mơnê kơ xiâm, kơnhŏng têa-cho kơnhŏng têa ki rêh ối dêi pơlê cheăm. A cheăm ki ối tíu tơkăng kong, Krông Na, tơring Ƀuôn Đôn, kong pơlê Dak Lak, túa rơkâu xối kố, mơngế M’Nông Preh hmâ tơkŭm po rêm hơnăm, tiô kơ tơdroăng ki loi tơngah, koh mơnê kơ Xeăng Têa hiăng hơ-ui gum ăm kuăn pơlê châ ai têa ki krúa lĕm vâ ôu kâ, hum roh jíu, tôh tơmeăm pêt rêm hâi.

VOV.Xơ Đăng - Cheăng tĕn hmôu jiâ dêi mơngế Bơhnéa a Gia Lai hiăng ai sap ing chal vâi krâ roh ton nah, hiăng châ hnê tối ing rơxông vâi krâ nah troh rơxông nôkố, pơtối rak vế. Kố ôh tá xê to cheăng ki tĕn ƀă kŏng, mê ối cho khôi túa lĕm tro dêi kuăn pơlê hdroâng kuăn ngo a tíu kố.

VOV.Xơ Đăng - Hâi lơ 28/5, Khu xiâm ngăn Túa lĕm tro - Tơ’noăng ivá ƀă Ôm hyô Dak Lak tơkŭm po leh tơbleăng Tơdroăng mơhnhôk tơ’mot tơmối troh ôm hyô tung rơnó pơtê hriâm hơnăm 2025.

VOV4.Xơ Đăng - Tung khôi túa, vêa vong mâu hdroâng kuăn ngo ki iâ mơngế a Tây Nguyên, mơngế Bơhnéa xuân ối rak vế dêi khôi túa, vêa vong ki phá krê xêh, mê cho vâ mơnhên tối tơdroăng rêh, tơdroăng mơjo pâ dêi pó hên ó. Môi tung mâu túa lĕm tro mê cho khôi hmâ mơjiâng pro poăng ahdrối pá kơdâm hngêi trá, ing mê, mơhno tối tuăn loi, mơhno tối tơdroăng ki hbrâ krâu kơhnâ khât ăm tơdroăng ki vâ vêh ngi kong ê.

VOV.Xơ Đăng - Khu xiâm ngăn hnê hriâm ƀă hnê mơjiâng tuăn ngôa rơkê kong pơlê Dak Lak nếo tơkŭm  po hôp tơpui ‘na khoa hok ƀă pơxá “Hnê rak ngăn tơmeăm khoăng túa lĕm tro Tây Nguyên ăm hok tro phôh thong - mâu tơdroăng tơpui kâ ƀă tơdroăng ki ai khât.

VOV.Xơ Đăng - Ối tung dế kong ngo Tây Nguyên kân krip, tíu ki ai idrâp chêng koăng hiăng chiâng i hiâm vâ hrik dêi tơdroăng rêh ối, ai môi ngế hơnăm ối nếo hdroâng Rơđế dế châ ô eăng ƀă hnoăng cheăng rak vế dêi mâu prôa hdroâng kuăn ngo tơná. Mê inâi păng ‘nâng ga cho Y Puen Niê (vâi nhŏng o tung pơlê hmâ krếo cho Pâ Phiu), ối a ƀuôn Phung, cheăm ki hơngế dêi cheăm Čư̆ Pui, tơring Krông Bông, kong pơlê Dak Lak mơngế ki hâk git ƀă kơdo mơ-eăm, ôh tá la lâi pơtê vâ rak vế, pơtối mơdêk tơdroăng mơjiâng pro ƀă xúa tơmeăm khoăng dêi kuăn ngo tơná.

VOV.Xơ Đăng - Pêi pro mâu tơdroăng troh leh tơbâ 135 hơnăm hâi kot mâ Pôa Hồ Chí Minh, Kăn xiâm hnê ngăn tơnêi têa ki apoăng (lơ 19/5), Khu ngăn Văn hok nghê̆ thuât kong pơlê Dak Lak tơrŭm ƀă Trung đoân Kăn Sát cơ động Tây Nguyên tơkŭm po tơdroăng “Eăng bâ troh ta ah inâi Pôa”.