VOV.Xơ Đăng -  A plông kân Đại Đoàn Kết, Khu pơkuâ ‘na khôi túa lĕm tro, Tơ’noăng Ivá ƀă Ôm hyô kong pơlê Gia Lai tơkŭm po pơxiâm po Hâi xah hêi ro Khôi túa lĕm tro mâu hdroâng kuăn ngo kong pơlê Gia Lai roh má pŭn hơnăm 2025 ƀă veăng amê ai 800 nhŏng o teăng mâ mâu hdroâng kuăn ngo rêh ối tung kong pơlê Gia Lai.

VOV.Xơ Đăng – Ngê̆ nhân A Thu hdroâng Rơteăng a thôn Đăk Rô Gia, cheăm Đăk Trăm, tơring Đăk Tô, kong pơlê Kon Tum, cho ngế ki hâk kơhnâ tung hnoăng rak vế ƀă mơnhông mâu ki kơnía túa lĕm tro hdroâng kuăn ngo. Ƀă tơdroăng ki hâk vâ khât, Ngê̆ nhân A Thu ôh ti xê to rơkê tung kơvâ mơđah tŏn mâu proâ hdroâng kuăn ngo, mê ối kơhnâ tí tăng tơkŭm, pro ƀă hnê ăm mâu rơxông nếo.

VOV.Xơ Đăng - Hâi mơdĭng túa lĕm tro mâu hdroâng kuăn ngo tung kong pơlê Gia Lai rôh má 4  po sap hâi lơ 11 troh hâi lơ 13/4/2025,  cho mâu tơdroăng pêi pro koh tơbâ 50 hơnăm Hâi pro tơleăng lĕm Peăng hdroh, lâp tơnêi têa tơrŭm môi.

VOV.Xơ Đăng -  Hâi lơ 8/4, Tíu chôu ‘măn tơmeăm tơplâ xâ nah inâi Hồ Chí Minh pơxiâm po mơđah tơbleăng ‘’50 hơnăm chuât xơtó troh ta ah tơdroăng rơhdruê khên tơnôu’’, mơđah tơbleăng vâ chê 500 kơtâ um, tơmeăm roh ton nah ki kơnía.

VOV.Xơ Đăng - Ôm hyô Dak Lak hiăng tơtêk châ vâ chê péa xôh tá kơxô̆ tơmối ƀă khu tê mơdró tung Pái khế apoăng hơnăm kố.

VOV.Xơ Đăng - Kơxo lơ 7/4, a Kơpong ôm hyô xí Prenn Đà Lạt, kong pơlê Lâm Đồng hiăng po hơniâp ro Leh xối tơbâ hâi pơtáu Hùng hlâ.

VOV.Xơ Đăng – A tơring tơkăng kong Tuy Đức, kong pơlê Dak Nông, nôkố ai lối 200 rơpŏng ƀă vâ chê 1.200 ngế pơlê a kong pơlê Phú Thọ rêh ối. Vâ rak tơdroăng loi tĭng ƀă mơnhông khôi túa vâi krâ ‘’pâ mơnê mơngế ai hnoăng’’, kuăn pơlê rơtế veăng tơlo liăn, hâi pêi cheăng mơjiâng tíu xối koh tơbâ Pơtáu Hùng. Kố ôh tá xê to tơdroăng mơ-eăm rak vế khôi túa lĕm tro mê ối cho troăng hơlâ vâ rak ƀă mơnhông tiô khôi tơlá vâi krâ nah tung kring vế Tơnêi têa, gum pro krá tơniăn tơrŭm môi tuăn tâi tâng hdroâng mơngế a kơpong tơkăng kong Tây Nguyên.   

VOV.Xơ Đăng - Hâi Tơbâ Pơtáu Hùng, kuăn pơlê mâu hdroâng kuăn ngo Tây Nguyên pơtối rơtế dêi pó tơmiât troh xiâm kối hdroâng mơngế, mơhno hiâm mơno pâ mơnê ƀă mâu jâ pôa apoăng nah. Mơhé ối ulâi, kuăn pơlê Tây Nguyên đi đo pâ vế rơkong hnê tối dêi Pôa Hồ; ‘’Mâu Pơtáu Hùng hiăng ai hnoăng mơjiâng tơnêi têa, Meh muăn pin thế rơtế dêi pó rak tơnêi têa’’, pro tơdroăng ki hâk tơngăm hdroâng mơngế chiâng tơdroăng ki pêi mơjiâng pơlê xiâm rế hía rế kro mơdrŏng lěm.

VOV.Xơ Đăng – Mơngế Rơđế hmâ rêh ối tung kong kế, ngo ngối, vâi ngăn kong ngo cho môi tiah hngêi trăng tơná, cho tơdroăng rêh kâ ối. Vâ ‘nâi túa ki vâ xúa mâu tơmeăm khoăng ki chiâng xêh tung kong ki hiăng ai hlâu vâ mơjiâng chiâng mâu kơchâi, kế kâ ti xê to pro kơhiâm rơkong kâ mê ối cho vâ mơhno tối ‘na khôi túa, vêa vong ki lĕm tro dêi hdroâng kuăn ngo tơná. Hlá tơmong, môi túa hlá ki chiâng a ‘núa tơbăng chiâk deăng, achê têa krông, hlá ki kơbâng tâng pin kâ drêh ga vâ chê chêk, cho kơchâi kâ ki kơhiâm, hơ-iâ dêi mơngế Rơđế drêng hơkĕm kâ ƀă ká âp.

VOV.Xơ Đăng - Tung tâi tâng túa lĕm tro dêi mâu hdroâng kuăn ngo a Tây Nguyên, tơdroăng pong, rơgi loăng bro um tâp ‘măn a tơnâp kiâ châ ngăn cho khôi túa ki ki krip tơviah. Mâu um ki ‘măn tung tơnâp kiâ dêi mơngế Bơhnéa a Tây Nguyên ti xê to mâu tơmeăm ki rơkê ‘na pong, rơgi, mơjế tiô khôi hmâ vâi krâ nah, mê ối cho vâ mơhno tối tơdroăng ki hnê mơhno ‘na tơdroăng rêh ối dêi kuăn mơngế.