Kố cho rôh lăm tơkâ luâ Việt Nam xua Tíu xiâm Đoân mơhnhôk, prôk tiô hbêa ngo Trường Sơn ki hơ’muăn, koh tơbâ 80 hơnăm Kăch măng Khế Tơheăm ƀă hâi Mơjiâng Tơnêi têa lơ 2/9. Tơdroăng mê mơhno hên tơdroăng rơrêk tung hiâm mơno ăm mâu ki ngăn hlo ƀă veăng ai mâ dêi Ngê̆ sih nhân dân Nguyễn Thị Thanh Thúy, ca sih Võ Hạ Trâm, Phương Thanh, Suboi, Hồ Lê Ngân Hà ƀă hên mâu nhạc sih hơnăm ối nếo ki ê.

Mâu ƀai hơdruê nếo hriăn chêh pro mê cho ƀai “Hò Vươn Mình”, “Made in Vietnam”, “Nhà Tôi Có Treo Một Lá Cờ” hơdruê tơdjuôm ƀă mâu khu rêi prôa tiê prôa hlối tơngăm krip, hlối tơtro ƀă chal nôkố. Dak Lak cho tíu ki pơtê chêng má péa dêi Rơxế hâk tơngăm klêi Pơlê kong kân Hồ Chí Minh. Prôk lăm mê kô pơtối troh Đà Nẵng, Huế, Quảng Trị, Nghệ An, Phú Thọ ƀă Hà Nội.