Kơxo lơ 21/8, Khu xiâm ngăn túa lĕm tro, Tơ’noăng ivá ƀă Ôm hyô hiăng tơkŭm po rôh hôp hbrâ ăm leh pơxiâm po, mơgêi Mơđah tơbleăng “80 hơnăm troăng prôk Tơniăn krê - Tơniăn tâ – Hơniâp ro” drêng tơbâ 80 hơnăm kăch măng Khế Tơheăm ƀlêi trâng ƀă hâi mơjiâng tơnêi têa lơ 2/9. Pơxiâm po leh Mơđah tơbleăng “80 hơnăm troăng prôk Tơniăn krê – Tơniăn tâ – Hơniâp ro” kô pơxiâm sap ing 9 chôu hâi lơ 28/8; leh mơgêi kô po sa 20 chôu hâi lơ 5/9.

Leh pơxiâm po ƀă Leh mơgêi pơrá châ tơkŭm po a plông mơđah a gong, plông Bắc, Tíu xiâm Mơđah tơbleăng Việt Nam. Tâi tâng tơdroăng dêi 2 rôh leh kô châ pơchuât mơ’no tung rơ’jíu ƀă um tơvi tơdrêng troh kuăn pơlê tung lâp tơnêi têa a hyôh Rơ’jíu xiâm Việt Nam ƀă Um tơvi Việt Nam. 2.400 ngế đoân viên droh rơtăm ki pleăng dêi hnoăng kô châ pơtroh troh tơrŭm tung hnoăng cheăng hnê mơhno, tối tơbleăng tơdroăng ki hnê tối, tŏng gum kuăn pơlê ƀă tơmối ki veăng troh ngăn. Tiô tối kô ai dâng 5 rơpâu troh 6 rơpâu ngế kăn veăng a leh pơxiâm po, ƀă mơgêi rôh mơđah tơbleăng kố.