Tơbleăng a rôh leh, Ngế pro xiâm hnê ngăn tơnêi têa khĕn kơdeăn Đảng ƀô̆, mâu kăn ƀă kuăn pơlê Quảng Ninh ƀă mâu kong pơlê ki tơdjâk troh hiăng mơ-eăm tung chêh bro hồ sơ. Ngế pro xiâm hnê ngăn tơnêi têa pơkâ thế mâu kơ koan khu râ pơkuâ cheăng thâ pê klêi luât, luât pơkâ rak ngăn a râ tơnêi têa ƀă kong pơlê, Pơkâ hdró nhên hnoăng cheăng pêi dêi mâu kơ koan ki tơdjâk troh, tơrŭm ƀă kuăn pơlê pơtối rak vế tơmeăm khoăng.

Pakĭng mê, kal ‘nâi tŭm tơdroăng ki tơdjâk troh tơmeăm khoăng, mơjiâng pơkâ mơdât, kơdroh ki ôh tá mơhúa xua kong prâi pro ‘mêi hyôh kong prâi ƀă rak ngăn krâu mơngế tơmối. Tơdroăng ‘na nhâ loăng kong kân tíu tơbâ châ mơnhên tơmeăm khoăng lâp plâi tơnêi mơhno ki kơnía dêi lâp plâi tơnêi, hlối pro xiâm ki mơnhông ôm hyô, túa lĕm tro ƀă cheăng kâ - pơlê pơla krá tơniăn.