Tơpui tơno xua Tíu xiâm hriăn plĕng loăng pơlái kong kế ai kong prâi tô – Tropenbos tơkŭm po, ƀă tơdroăng ki veăng dêi mâu khu ngế cheăng khoa hok, teăng mâ mâu khu cheăng kơvâ cheăng ƀă pơlê pơla pêi ôm hyô ngăn loăng pơlái kong kế a kong pơlê. 4 khu pêi cheăng pơlê pơla veăng hôp tơpui tơno xuân tơdrêng tơbleăng troăng tơmiât tơdroăng tơkêa bro ƀă rak tơniăn kong ƀă mơnhông ôm hyô ƀă tơdah châ mâu rơkong veăng tơpui tơtro.

Mâu kăn teăng mâ, mâu ngế hriăn plĕng mơnhên a hôp tơpui tơn: ôm hyô ngăn loăng pơlái kong kế pơlê pơla ôh tá xê to kum rak vế loăng pơlái kong kế mê ối kum pro tơniăn tăng cheăng pêi, mơdêk tơdroăng rêh ối kuăn pơlê, ki má lối cho kuăn pơlê mơngế hdroâng kuăn ngo. Peăng kong pơlê, pôa Nguyễn Sơn Hưng, Kăn pơkuâ kơbong Pơkuâ ôm hyô, Khu pơkuâ Khôi túa lĕm, Tơ’noăng ivá ƀă Ôm hyô kong pơlê Dak Lak, tối tơdroăng môi tuăn ƀă mơnhên tơdroăng ki tơ’lêi hlâu mơnhông – tơ’lêi hlâu – pá puât dêi rak tơniăn kong ƀă ôm hyô ngăn loăng pơlái kong kế, tơdrêng amê tối ăm ‘nâi, Dak Lak kô ai tơdroăng tơkêa bro nếo ăm tơdroăng cheăng kố châ tơƀrê hên tâ.