Tung plâ môi khế hdrối, kong pơlê Lâm Đồng hiăng tơkŭm po 9 tơdroăng râ kong pơlê ƀă vâ chê 50 tơdroăng pêi pro a mâu cheăm, bêng, kơpong tíu ối. Mâu tơdroăng pêi pro túa lĕm tro, tơ’noăng ivá, ôm hyô tung Khế lăm ôm hyô kố hiăng pro tơdjâk tơdroăng ki tơ’mot lối 1,8 rơtuh ngế ôm hyô, tung mê, ai dâng 75 rơpâu ngế tơmối kong têa ê troh ôm hyô.

Pôa Đinh Văn Tuấn, Phŏ kăn hnê ngăn Vi ƀan kong pơlê Lâm Đồng tối rơdêi, Khế ôm hyô kố ôh ti xê to tơdroăng ki pêi pro hơniâp lĕm ăm tơmối ôm hyô, mê ối cho rôh vâ mơnhông mơdêk mâu tơdroăng kơnía ‘na túa lĕm tro dêi kong pơlê Lâm Đồng nếo klêi kơ’nâi ‘mot tơkŭm, kơhnâ, hmâ achê.