Kố cho tơdroăng pêi ai pơxúa drêng troh tơbâ 64 hơnăm tro trếo ‘mêi rôh tơplâ nah a Việt Nam. Tơdroăng mê mơhno ki tơmâng khât dêi Đảng, Tơnêi têa, tá khu kăn cheăng kal kí; tối ki rơtế ƀă, môi tuăn krá dêi kuăn pơlê, mâu khu tơrŭm, mâu ngế, mâu ngế ai tuăn hơ-ui tung tơnêi têa ƀă kong têa ê hiăng veăng kum vâ ăm mâu ki tro trếo ‘mêi kal tơkâ luâ xơpá xúa trếo ‘mêi, rak ngăn, veăng kum mâu ki tro trếo ‘mêi a rôh tơplâ nah.

Ing mâu ƀai hơdruê xuăng ki ro ƀă mâu tơdroăng chêh xo xup um mơhno tơbleăng hlối tơpui tơno ƀă mâu ngế tro trếo ‘mêi/dioxin, Tơdroăng trâm mâ mơđah hơdruê xuăng, pơxá “Theo ánh bình minh”  ƀă mâu tơdroăng ’na tơdroăng “cheăng kâ rêh ối -mot tơrŭm ƀă mâu ki ê’’ hiăng - tơbleăng troh lâp lu mâu tơdroăng kơjo kum tung rêh ối ai pơxúa, kum mâu ngế ki tro trếo ‘mêi kâi tơkâ luâ xơpá, tơrŭm ƀă kuăn pơlê.