Lăm ngăn cheăng hbrâ rơnáu tơkŭm po mơđah tơbleăng, pôa Trần Thanh Mẫn, Kăn xiâm hnê ngăn Kuô̆k hô̆i tơmâng xo ƀă mơnhên tối khât ivá mơ-eăm dêi Ƀơrô cheăng Kuô̆k hô̆i ƀă mâu kơ koan ki ai tơdjâk tung tơbleăng pêi mâu tơdroăng cheăng ki hbrâ rơnáu po mơđah.

Pôa Trần Thanh Mẫn, Kăn xiâm hnê ngăn Kuô̆k hô̆i pơkâ thế, Ƀơrô cheăng Kuô̆k hô̆i ƀă mâu kơ koan ki ai tơdjâk pơtối séa ngăn nhên tơrêm tơdroăng, malối cho mâu cheăng ki ai tơdjâk troh kong ngê̆, tơdjêp, rak tơniăn hbrâ rơnáu vâ Mơđah tơbleăng “Tơdroăng ton nah ƀă Hnoăng cheăng Kuô̆k hô̆i Việt Nam” châ tơkŭm po kân krip, rơkê tro, mơhno rôh 80 hơnăm khên tơnôu dêi Kuô̆k hô̆i Việt Nam – môi Kuô̆k hô̆i cho dêi Kuăn pơlê, xua Kuăn pơlê ƀă dêi Kuăn pơlê, veăng gum pro ăm tơxâng tung tơdroăng ki ƀlêi trâng tơdjuôm dêi tơnêi têa klêi 80 hơnăm tơniăn krê, pro chiâng tơdroăng ki ôh tá kâi piu tung hiâm mơno kuăn pơlê ƀă mâu vâi pú tung lâp plâi tơnêi.