Tíu pêi cheăng chêh hlá tơbeăng kô tơkŭm po, pơkuâ ƀă hnê mơhno tơdroăng cheăng chêh mơ’no tơdroăng kal, gum ăm vâ chê 1.550 ngế chêh hlá tơbeăng ối tung lối 200 kơ koan chêh hlá tơbeăng tung tơnêi têa ƀă a kong têa ê. Kố xuân cho tíu xiâm tơbleăng tơdroăng kal, gum tơdroăng cheăng chêh hlá tơbeăng, gum kal khât tung tơdroăng ƀlêi chiâng tơdjuôm dêi mâu tơdroăng cheăng tơbâ.

Rôh kố, Khu xiâm ngăn khoa hok ƀă Kong ngê̆ tơrŭm ƀă Khu pơtâng tối tơdroăng kal, Khu hnê mơhnhôk Tơnêi têa ƀă Khu xiâm ngăn túa lĕm tro, Tơ’noăng ivá ƀă Ôm hyô tơbleăng tê tem bưu chính “Tơbâ 80 hơnăm hâi mơjiâng Tơnêi têa Kŏng hòa xah hô̆i chuh nghiah Việt Nam (1945 - 2025)”.

Ƀô̆ tem kố ai môi túa tem ƀă môi blốc, chêh pro um Kăn xiâm hnê ngăn Hồ Chí Minh ƀă túa ki chêh rơkê tiô chal nôkố, mơhno ki pơxúa ‘na tơdroăng ton nah, túa lĕm tro dêi tơdroăng cheăng ki kal kố.